نازلانا نازلانا

+0 به یه ن

چوخدان ایدی بیر گؤزل ماهنی آختاریردیم وئبلاق دا قویماق اوچون. بوگون نئچه سایتی آختارماقدان سونرا، «موسیقیمیز» سایتیندا بو ماهنی نی گؤردوم، دئدیم بورادا قویوم سیز ده قولاق آسین.

« نازلانا نازلانا » ماهنی سی « نسیم محمودی » دان.

یوكله یین و باخیشلارینیزی بویرون !

یوكله




سئوگیلی لر اوچون

+0 به یه ن

نئچه وقت دن سونرا ایسته دیم بیر یازی یازام. گؤردوم چوخدان دی مئساز یازمامیشام، دئدیم شاید بیر نفر ایسته دی سئوگیلیسنه توركی SMS گؤندره. بیر نئچه سئوگی مئساژی بورادا حاضیرلامیشام. قبول ائلیرم بیر آز اوزونلارین سئچمیشم، آمما سئوگیلی اولماقین دا خرجی وار دااا !

 

Həyatda üç şeyi sevirəm: səni, ürəyimi, ümüd etməyi.

Səni sevdim sənsən deyə, ürəyimi sevdim səni sevir deyə,

ümüd etməyi sevdim bəlkə bir gün sevərsən deyə.1

حیاتدا اوچ شئیی سئویرم: سنی، اوره گیمی، اومود ائتمه گی. سنی سئودیم سن سن دئیه، اوره گیمی سئودیم سنی سئور دئیه، اومود ائتمه گی سئودیم بلكه بیر گون سئورسن دئیه.

***



آرديني اوخو

آنا دیلی گونو

+0 به یه ن

بوگون بایرام آیینین ایكی سی، دونیا آنا دیلی گونو آدلانیب. بو گون ده نه اولدوغو ایله ایشیم یوخ ( ایسته سز بیلدیركی یازیلاردا یازمیشام ) آمما بوگونده نه ایسته دیقیمیزینان چوخ ایشیم وار. بو گونلر دونیادا باش وئرن چوخلو ساواش لارین توتاماقی (دلیلی)، اینسانی حقلردن گونی گوندن آرتیق ایسته ماق ساییلیر. بیز ده بو گونده اؤز حققیمیزی ایسته ماق اوچون سسله نیریق. بیز یالنیز آنا دیلیمزده یازیب – اوخوماق حققینه عاید اولان بیر قانونون یازیلماسینا چالیشیریق. آمما بیزیم سایقیلی باشچیلاریمیز، بیزی بو حق دن اوزاقا سالیرلار.

توركی دیلینده بیر گؤزل آتا – بابا سؤزی وار كی بئئله دئییر :

« كؤنول قاچانی قووالار ».

بیز ده ایسته دیقیمزی عؤمروموزون سونونا قدر قووالاییب و بیر گون اونا چاتاجیییق. یالنیز بونی گرك بیلماق: « گله جك بیزیمدیر »

یاشاسین آذربایجان

یاشاسین منیم آنا دیلیم

احمد




آچار سؤزلر : آنا,

تاپماجا

+0 به یه ن

 

آتالار سؤزوندن بیر بؤلومو، تاپماجالاردیلار. توركی تاپماجالار چوخ شیرین و اؤرگه دن دیلر. من اؤزوم اونلاری چوخ سئوه رم!

بورادا نئچه تاپماجار یازیام. اونلارین جواب لارین هله لیك یازمیرام، آمما نئچه گون سونرا یازارم! سیز ده گؤرون بولارین جواب لارین تاپا بیلیرسیزمی؟ تاپساز باخیش لار دا یازین!


  • آغریسیز، غم سیز آغلادار.

  • آیاغی یوخ، آمما یئرییر.

  • آلتی دریا، اوستو اود.

  • جانی قیرمیزی، باشی گؤی.

  • قارا كیشی، آغ پاپاق.

  • نه زردیندی، نه بافتا، ایچینده یاشاییر تافتا.




مهرداد بی، دوغوم گونون مبارك

+0 به یه ن

«مهرداد بَی»

دوغوم گونون مبارك

زنگانلی

گوناذتی وی:بوگون 1369 بهمن آیی‌نین 18-ی.[1] قیش دیر. زنگان‌دا ملّت قیشا اویغون یاشاییرلار. قاپینی اؤرتوب، باجانی تپیب، سس چیخمیر، هیچ كیم‌له گئت- گل یوخ.

بیر اوشاق اولور. آد قویماق تؤره‌نی زنگان دبی كیمی بوتون تورك ملّتیندن آلینان دب اولاراق، یئرینه یئتیریلیر. آد قویولور: «مهرداد».

آد تورك‌لر ایچینده یئنی بیر آد ساییلیر. قاباق‌لار آد قویاندا بایرام، آیدین، یاشار، داداش، آراز یا عربجه دینی آدلار چوخ اولاردی.

ایران-عراق ساواشیندان ایكی ایل‌دن چوخ زامان كئچسه‌ده، هله هردن شهیدلری گلیر. آناآتاسیز، بالاسیز، یارسیز قالان انسان‌لار هله‌ده بو شهرده آغلاییرلار. هله‌ده دنیز اولمایان شهرده، دنیز ظَفَرینی یارادان‌لارین آدلاری یاشاییر. هله‌ده اقتصادی چتینلیك‌لر ملّتی سیخما-بوغمایا سالیر. آما بونلارین هامی‌سی اولاراق «مهرداد» دونیایا گلیر.

هامی اوشاق‌لارا تای. قاش- گؤزو اولاردان قارا دئییل، قانی اولاردان قیرمیزی دئییل. آتاسی كارخانادا ایشلركن، الی گئدیر دستگاها و اوچ بارماغی كسیلیر.



آرديني اوخو

نبی لر قاچدی من قاچا بیلمیرم

+0 به یه ن

آنام یوردو منیم، گؤز ببگیم دیر

یوردومو گؤزومدن آتا بیلمیرم

بیردن ائل، هاواسی وورور باشیما

سیزلیرام صؤبحه تك یاتا بیلمیرم

 

بیر یانیم ككره دیر[i]، بیر یانیم بات بات[ii]

چولقانیر بوینوما، دولانیر قات قات

دلی شیطان دئییر اصالتین سات!

هله وار غیرتیم ساتا بیلمیرم



[i] ككره؛ آجی بیر اوت آدی.

[ii] بات بات؛ تیكانلی یاپیشقان بیر اوتون آدی.

 

 



آرديني اوخو

توالی قانونو

+0 به یه ن

آردیجیلیق و یا سسلیلرین بیری – بیرینین دالینجا گلمه سی

اصیل آذری كلمه لرینده سسلیلر هر جور گلدی اولماز. اونون معیّن قانونو و ترتیبی واردیر. دیلیمزین اؤن سؤزلری، مختلیف جنسلی رنگلی و حجملی اینجی لردن دوزلمیش و بویونباغی كیمیدیر. نئجه كی، بو مرواریدلر معین ترتیبله دوزولمه سه لر، بویونباغی دوزلمز، ائله جه ده اصیل آذری سؤزلری او زامان دوزلر كی، سسلیلر معیّن ترتیبله دوزلسون. بو ترتیبه آردیجیللیق، یا سسلیلرین بیری – بیرینین دالینجا گلمه سی قانونو و یا توالی قانونو دئییلیر.



آرديني اوخو

بیلیجی قاضی

+0 به یه ن

اؤتن ایللرده چین ولایت ارینین بیرینده بیر قاضی وار ایمیش. اونون شهرتی نه اینكی اولدوغو بؤلگه ده، بلكه باشقا ماحاللارادا گئدیب، چاتمیشدیر. ایستر زنگین اولسون، ایستر یوخسول و ایسترسه بیلیجی و خالق كوتله سی اولسون، اونون میزان تره زیسین و حق – عدالتلی اولدوغونا اینانیردیلار. هامی اونو به یه نیب، اولدوقجا سئویردیلار، آنجاق، پیس عمللی لر و ایری – اویورو آداملار بونو سئومیردیلر.

گونلرین بیرینده قاضی یولدان اؤتوردو، بیردن – بیره یانیقلی اوشاق آغلاماسینی دویدو.

قاضی دایانمادان آتیندان دوشوب، اوشاغا یاخینلاشیب، اوندان سوروشدو:

-       اوغلون نه اوچون آغلاییرسان؟



آرديني اوخو


radyo dinle