آذر آیی­نین 26-سیندا، ایلده­كینه تای سیزلره بیر كیتاب وئرمك ایسته­ییرم. آما بو ایل نئچه  كیتاب حاضیرلامیشام. اونلاردان بیری پروفسور زهتابی جنابلارینین "تاریخ دیرین تركان ایران" كیتابی­دی. بو كیتابین توركجه دیلینده اولان فایلین تاپانمادان، اونون فارسجا كیتابین سیزلره تقدیم ائدیرم (اوره­گیم ایسته­مه­دن).

بولدوغوز قدر "دده قورقود" كیتابی، تورك دیلینده اولان اسكی كیتابلاردان بیری ساییلیر. بورادا "دده قورقود" كیتابیندان "دوخا قوجا اوغلو، دلی دؤمرول بویو" آدلانان بیر بؤلوم سیزلره تقدیم ائدیرم. اومورام بو كیتابین بوتون بؤلوم­لرین اوخوماق اوچون، اونی آلیب و اوخویاسیز. "نشر اختر" بو كیتابی چوخ گؤزل یازی دا "ف. زینال اوو و ص.علیزاده" جنابلاریندان باسیب. یازیمین سونوندا دا آذربایجان توركلرینین اسكی دبینه گؤره سیزلره بو كیتاب­ایله بیر قرنفیل گولی ده وئریرم.

یاشاسین منیم دیلیم

تاریخ دیرین تركان ایران

دوخا قوجا اوغلو، دلی دؤمرول بویو

65 ایل بوندا اؤنجه، آذربایجان ماهالیندا قورولموش " دئموكرات فرقه سی " پهلوی رئژیمینین الی ایله آرادان گئتمه دن سونرا، آذر آیینین 26 – اینجی گونوده، تبریزده توركی كیتابلار اودا چكیلدی. گؤنلر دئییبلر بو اودون توسدوسو تبریز شهرینین هر بیر یانیندان گؤروشوردو. اوندان نئچه ایل سونرایا قدر، كیمسه نین ائوینده یوخسا توكانیندا توركی كیتاب تاپیلسایدی، اونو اؤلدورردیلر!

آذربایجان میللتی بو حادثه دن آجیخلی اولاراق، هر ایل بو گونده اؤز یولداشلارینا بیر توركی كیتاب و بیر قرنفیل گولی وئررلر. من ده بلاگیمدا بو ایشی یولداشلاریم اوچون گؤررم. بو ایل ده نئچه كیتاب حاضیرلامیشام ! بیر اؤنملی و اسكی توركی كیتاب !

بیلدیكی كیتابلاری دا ایسته سز بورادان باخا بیلرسیز !

كوراوغلو كیتابی

بیرینجی كیتاب

ایكینجی كیتاب

یاشاسین منیم دیلیم

یاشاسین آذربایجان

یاشاسین اورمو گؤلو

احمد