بایرام

+0 به یه ن

قیش قارین وئردی سئللره ، شاختانی وئردی یئللره ، موشتولوق وئردی یئرلره ، بایرام گلیبدی ائللره

بایرام دا گلدی . بو منیم 20- مینجی بایرامیم دی گؤرورم ( هامیسی یادیما گلمیر ها ! ) . بو بایرام منه فرقلی بایرام دی . بو بایرام ایكینجی بایرام دی ائلیه بولورم بیر آز آنا دیلیمده یازیب ، اوخویام . سئوینیرم ائلیه بیلیرم بو بایرامی بوتون دیلداشلاریما آنا دیلیمیزده قوتلایام. تانریدان دیله ییرم بو ایل آذربایجان میللتینه بركت لی ، گلر لی ، ساغلام لی و خوشبخت لیك له دولو اولسون . آللاه ایسته سه بو ایلده ده بو بلاگینان خیدمتیزده وارام .

بو ایل آذربایجان یوردونا بویوك ایل اولماقینین آرزوسی ایله .

 

یاشاسین آذربایجان * یاشاسین تورك میللتی * یاشاسین توركی دیلی

نووروز بایرامیز قوتلو اولسون



آچار سؤزلر : بایرام,

بایرام تبریكی !

+0 به یه ن

Bayramların ən gözəli, insanları barışığa - mehribanlığa səsləyən

 bayram gəlib yetişdi. Arzum budur , bu bayramda da insanların

 üzündən gülüş əskik olmasın. Bayramınız mübarək!

بایراملارین ان گؤزه لی، اینسانلاری باریشیغا-مهریبانلیغا سسله ین بایرام گلیب یئتیشدی. آرزوم بودور، بو بایرامدا دا اینسانلارین اوزوندن گولوش اسكیك اولماسین. بایرامیز موبارك !

 

Nəhayət gözümüzü yolda qoyan Novruz yetişdi. Simalara

 təbəssüm,qəlbimizə bir ilıqlıq bəxş edən Bahar yetişdi. 

Gözünüz aydın!Bayramınız mübarək!

نهایت گؤزوموزو یولدا قویان نووروز یئتیشدی. سیمالارا تبسم، قلبیمیزه بیر ایلیقلیق بخش ائدن باهار یئتیشدی. گؤزونوز آیدین! بایرامیز موبارك!



آرديني اوخو

آچار سؤزلر : بایرام,

چرشنبه سوری

+0 به یه ن

من بو یازیدا چالیشیرام بولدوقلاریمینان آختاریشلاریمدا تاپدیقلاریمی یازام . اولماسین بیر نفر گلسین دئسین یالنیش یازمیسان ، آمما دئمه سین دوزو نه دیر .

چرشنبه آخشامی آذربایجانین اسكی عنعه لریندن اولاراق ، بو یورد دا ایلین سون آییندا 4 چرشنبه نی عزیزلشدیمه نی گؤروروق . بو دورد گون بونلاردیلار : یئل چرشنبه سی ، توپراق چرشنبه سی ، سو چرشنبه سی و اود چرشنبه سی . بونلاردان تكجه اود چرشنبه سی ایندی عزیزلنیر .

بو گونلری بو آدینان دا آدلاندیرارمیشلار ؛ ترتیب ایله : "چیله قووان یا یالانچی چرشنبه یا قره چرشنبه" ، "كول چرشنبه" ، " موشتولوق چی" و "آخرچرشنبه" .

آخیر چرشنبه یه یاخین گونلرده ، آذربایجان قادین لاری بازا گودیب ، گؤزگو ( آیینه ) ، كوپ ، یئنی پالتار ، فیندیق ، نوخود و باشقالارین آلارمیشلار .

یازینین آردین دا اوخویون !



آرديني اوخو

تكه چی

+0 به یه ن

قیشین آخیر آیی بایراما یاخین « تكه چی » گلر ، قاپی – قاپی ائولری گزر ، « سایا* » اوخویار ، اونون هاواسی ایلا تاققاتاق تكه نی اوینادار و ائودن پول ، قند ، چای و بئلنچی شئی لردن پای آلاردی .

تكه نی آغاجدان یونار ، قیرمیزی مخمره چولغالایار ، الوان پارچالار ، قوتاز ، پونچاق ، بالاجا زینقیروو ، سیككه ، پیلك ، مونجوق و بالاجا آینا ایله بزه یردیلر . بو تكه نی اویناتماق اوچون ، قارینی نا یاپیشیقلی بیر آغاج دسته تعبیه ائده ر لر . بو دسته دگیرمی* شكلینده بیر تاختانین آراسینداكی دلیكدن كئچر ، آشاغی یوخاری و اؤز دؤوره سینه حركت ائده بیلردی . تكه چی سول الی ایله دگیرمی تاختانین آلتیندان و ساغ الی ایله دسته نین آشاغی باشیندان یاپیشار ، اوخودوغو سایانین هاواسی ایلا تكه نی اوینادار و تكه نین دؤرد ثابت قیچلارینی تاختانین اوستونده تاققاتاق چالاردی . زینقروولارین سسی ده بو سسه قاریشاردی .



آرديني اوخو

آسیا بیز گلیروق !

+0 به یه ن

تیریزین تیراختور تیمی ، ایرانین فوتبال لیگاسینین ایگیرمی آلتینجی هفته سیندن ائلیه بولدی كرمانین مس تیمی نی تبریز ده بیر هئچه اودا .

بو اویونو 40 مین نفره یاخین استادیومدا گؤردولر . بو اویون دا تكجه بیر قول وار ایدی ، اونو دا « علی علیزاده » ووردو .

بو هفته دن سونرا تیراختور تیمی 45 امتیاز ایله جدول ده 4 و مس تیمی 39 امتیازینان 6 اولدولار .

دونن ده تبریزین شهرداری تیمی ائلیه بولدی تهراندا پیروزی تیمیندن بیر امتیاز آلیب ، جدولده 15 اولسون .



چارشنبه سوری ( كریمی مراغه ای )

+0 به یه ن

قیش چیخدی گزیر كوچ نی بو تازه جوانلار

یوخ یوخ نه جوان درس تمدن اوخویانلار

چون مدرسه قورتولدی چیخیب ائیله تماشا

چارراه دا خیاباندا دوشوب گؤر نئجه غوغا

قیزلار كی چیخیر مدرسه دن خیلی دل آرا

ناز ایله گئدیر منزله گویا كه مارالدی

بیردن گؤروسن آتدیلار بمب رنگی نی سارالدی



آرديني اوخو

ساعات 7 ده " برج سفید " ین قاباغیندا !

+0 به یه ن

آقای زاد مكتوب لاری ترتیب له ییردی . تقریبن هر گون ایشی بو ایدی . اون ایله یاخین اولاردی كی پست ایداره سینده ایشله ییردی و اؤز ایشینه مقیّد اولان بیر ایشچی كیمی نظم لی و دقیق آدام ایدی .

او گون مكتوب لارین بیرینی یئرینه قویاركن گؤردو مكتوب اونون اؤز آدرئسینه گؤنده ریلیب . یونه باخدی . سؤزو یوخ ایدی . مكتوب اونا گؤنده ریلمیشدی . هوسله نیب ، چارپایانی چكیب اوتوردو . پاكاتی ایشیغا ساری توتوب ، مكتوب جیریلماسین دئیه سلیقه ایله آشماغا باشلادی . گؤزل خط له ، ماوی خودكارلا یازیلمیش مكتوبو اوخوماغا باشلادی .

« سلام ! بلكه سن منی تانیمیرسان ، آمما من ایللردی كی سنی تانیرام . بلكه ائله لاپ اوشاقلیق دان . آللاه آتا – آناوا رحمت ائله سین .  او قیزین دا اؤلوم خبرینی ائشیتدیم و چوخ اوزولدوم . آللاه اونا دا رحمت ائله سین . یادیمدا اوندا دئدین داها هئچ بیر قیزا اوره ك باغلامایاجاقسان. دئیه سن هله ده سؤزووون اوستونده سن .»

حامد احمدی

چیراق درگی سی – یاز 1389 – سیناق سایی



آرديني اوخو

دونیا قادین‌لار گونو بوتون قادین‌لاریمیزا قوتلو اولسون- ب. سلطان‌لی

+0 به یه ن

8 مارت 1857-جی ایل اولایلاریندان‌ 150 ایلدن آرتیق اؤتسه ده، بیر چوخ آوروپا اؤلكه‌لرینده، نیسبی اولا‌راق اینسان حاق‌لارینا سایغی و حؤرمتله یاناشیرلار. اینسان حاق‌لاری‌نین تمه‌لی اولان قادین حاق‌لارینا، داها دوغروسو آنا حاق‌لارینا دیر وئریب، قادین‌لارین موباریزه‌لری‌نین باشلانغیج گونو كیمی 8 مارتی قوتلاییرلار.

آوروپادا حاكم اولان نیسبی اینسان حاق‌لارینا باخمایا‌راق، قادین‌لارا اولان حاقسیزلیغین شاهیدی اولوروق. بو گون اینسان حاق‌لاری اوزره هر گون، هر آی توپلانتی‌لار، سئمینارلار كئچیریلیرسه ده، قادین‌لار یئنه ده آوروپانین گؤبیینده آیری سئچكی‌لییه و ظلمه معروض قالیرلار. آوروپادا دوروم بئله آجینا‌جاق‌لی‌دیرسا، ایران كیمی گئری قالمیش اؤلكه‌لرده قادی‌نین یئری هارادا‌دیر؟

اینسان حاق‌لارینی قورویان اورقان‌لار هله ده قادین‌لارا قارشی حاقسیزلیغین مؤوجود اولدوغونو و آوروپادا قادینا آیری سئچكیلیگین هر چئشیدی‌نین حاكم اولدوغونو اعتراف ائتمكده‌دیرلر.



آرديني اوخو

آچار سؤزلر : دونیا,


radyo dinle