آتالار سؤزونون كؤكو - 1

+0 به یه ن

آتا- بابا سؤزلرینین كؤكو منیم چوخ سئودیگیم مسئله لردن بیری دیر. اونا گؤره ده چالیشارام بو سؤزلرین كؤكون اؤرگه نیب و اونلاری گونده لیك حیاتیمدا ایشله دم. بورادا دا نئچه آتا بابا سؤزونون كؤكون سیزلری اوچون "بهروز ایمانی" جنابلارینین "آتالار سؤزونون كؤكو و منشأیی" كیتابیندان یازمیشام. اومارام سئورسیز.

بونا دا شوكور

(سودا بوغولان سامان چؤپوندن یاپیشار)

بیرگون بیریسی چایدان كئچنده، سئل اونو ووروی آپاریر، چایین درنلیینه، كیشی باتیر سویا، سونرا الینی آتیر بیر قورو چؤپدن یاپیشیر و آغاج قارشیق باتیر سویا. كیشی هر سویا باتیب، چیخاندا دئییر: «بونا دا شوكور»، «بونا دا شوكور». بیر آیری آدام چایین قیراغیندا یاخینلاشیب، گوله گوله اوندان خبر آلیر: آی قارداش سنكی، باتیسان سویا، بوغولورسان بو نه شوكور نامه دیر كی، سن اوخویورسان. بو سؤزدن سونرا، كیشی گؤرور، بوغولاجاق، اؤگه دن اونا های چیخمایاجاقدیر، اونا گؤره اؤزونه دایاق وئریب، چیخیر قیراغا و او مسخره ائله ین كیشی یه دئییر: بونا دئییردیم ها «شوكور».

ایندی گؤردون، بیرده آتالار دئییب، سودا بوغولان سامان چؤپوندن ده یاپیشار.



آرديني اوخو

آچار سؤزلر : آتا,

یاددا ساخلا

+0 به یه ن

سلام لار

نئجه وقت بلاگیما یئنی یازی آرتیرا بیلمه دیم، تزه­لیكده اوخوجولارین بیری بیر یازی یوللادی بیله­مه كی ایسته دیم اونو بورادا یازام!   بو یازیا گؤره باخیشلاری گؤزلورم.

الهام خانیم نان دا بو یازی نی یوللاماق اوچون تشكر ائلیرم!

 

گلین یاددا ساخلییاق كی گؤزل یاشییاق و گؤزل یاشاتدیراق!

 

گلین اوره­گیمیزی بؤیوك و صبریمیزی آرتیراق ; نیه كی بؤیوك اینسانلار تئز باغیشلاییب و گئج داشارلار!

 

گلین یاخجی فیكریمیز اولسون، نه یاخجی گؤروشوموز!

 

گلین یاددا ساخلییاق كی بویونكی گون دونه­نین ساباغی، پس گونلریمیزی ساباق دئماقدان هئچه وئرمییاق!

 

گلین یاددا ساخلییاق كی گولومسه­ماق گولدورماقدان اؤنملیدی!

 

و گلین بولاقكی تانرینین یاراتدیقی هر یئر بیزه آیید دی , بیر بالاجا نایلون كیفیمیزده چوخلی یئر توتماز آمما

 

چوخلی ائشیگه توكدوغوموز مواددی توتوپ و چوخلی آلوده لیغین قاباغین آلار!

 




ضرب المثللر

+0 به یه ن

من اؤزوم آتا – بابا سؤزلرینه چوخ سئوگیلی اولماقدان، اونلاری اؤرگنماقا چوخ چالیشارام. چوخ دا ایسته رم باشاردیغیم ضرب المثل لرین فارسجا و انگلیسجه سینی ده اؤرگه­شم. بیر كیتاب آلمیشدیم اونون ایچینده چوخلو آتا-بابا سؤزی وار ایدی. ایسته دیم بورادا بیر نئچه سین یازام سیزده اوخویوب، ایشله ده سیز.

بو كیتابین دا آدی "ضرب المثللر" دی. "اصغر شبیهی" جنابلاری دا اونو توپلاییبلار.

آذربایجانلی: اؤلوم آتی یا اؤلوم خبری یوگورك اولار.

فارسجا: خبر بد یا خبر مرگ زود می رسد.

انگلیسجه: Bad news travel fast



آرديني اوخو

تاپماجا

+0 به یه ن

 

آتالار سؤزوندن بیر بؤلومو، تاپماجالاردیلار. توركی تاپماجالار چوخ شیرین و اؤرگه دن دیلر. من اؤزوم اونلاری چوخ سئوه رم!

بورادا نئچه تاپماجار یازیام. اونلارین جواب لارین هله لیك یازمیرام، آمما نئچه گون سونرا یازارم! سیز ده گؤرون بولارین جواب لارین تاپا بیلیرسیزمی؟ تاپساز باخیش لار دا یازین!


  • آغریسیز، غم سیز آغلادار.

  • آیاغی یوخ، آمما یئرییر.

  • آلتی دریا، اوستو اود.

  • جانی قیرمیزی، باشی گؤی.

  • قارا كیشی، آغ پاپاق.

  • نه زردیندی، نه بافتا، ایچینده یاشاییر تافتا.




آتالار سؤزو 2

+0 به یه ن

بوگون نئچه باشقا آتا – بابا سؤزلریندن سیز اوچون توپامیشام. بونلاری یئنه " فولكولور خزانه سی " كیتابیندان یازمیشام. بونلاری اؤرگه نیب ایشلتماقیمیز یاخشی و اؤنملی اولاجاق ! باخیش لاریزی گؤزلیرم.

ائششه یی مینرلر، حالوانی یئیرلر، دؤورانی سوررلر!

ائششه یین آرپاسی آرتیق دوشنده آنقیرار !

ال توتماق علی دن قالیب، ال كسمك سئیفعلی دن ! ( گئرمی كندلرینین بیرینده سئیفعلی آدیندا بیر دوكانچی واریدی، هر شئیی اوچ قات باها سینا ساتاردی. كندلی لر بو سؤزو اونا دییردیلر .)



آرديني اوخو

آچار سؤزلر : آتا,

آتالار سؤزو

+0 به یه ن

نئچه آی اولاردی " آتا – بابا سؤزلری " بؤولومونه بیر یازی یازمامیشدیم !

بوگون ایسته دیم بونا گؤره ده بیر یازام !

بونلاری اوخویون و باخیشلاریزی بویورون !

آبیرلی آبیریسیندان قورخار، آبیرسیز دئیر بس اوندان قورخور !

نه گؤزل سؤز دی ...

آت اوستونده وریان آلماق .

حاصلی هئچ اولان ایشه ایشلنر ! ( اكین سوواراندا آتین اوستونده اوتوروب بئل ایله پالچیق قویوب سویون قاباغین آلماق اولماز )



آرديني اوخو

آچار سؤزلر : آتا,

« الف » سؤزو

+0 به یه ن
بیر نئچه گون اولمادیغیما گؤره منی باغیشلایین . درس لر باشیمی بتر قاتیبلار . بوگون آتا بابا سؤزلریندن بیر باشقا توپلو سیز اوچون ییغمیشام . بونلاری اوخویوب ایشلتمه ییز چوخ گؤزل اولاجاق . باخیش لاریزینان دوز یولو آرتیق آیدین لادین !

اوتوروب گمی نین ایچینده ، گمی چی نین گؤزون اویور ( اوتوروب گمی نین ایچینده ، گمی چی نه ن ساواشیر
.)
« هم تو كشتی نشسته هم به ناخدا گیر داده ».

ات وئرمه میش ، كوفته ایسته مه .
« تا وقتی گوشت نداده ای كوفته نخواه »
.

ادب بازاردا ساتیلماز.
« ادب در بازار فروخته نمیشود ».

ائششییم اؤلمه یونجا بیتینجه ك ، یونجام سارالما ، توربا تیكینجه ك.
« بزك نمیر بهار میاد ، كمپوزه با خیار میاد ».

ائششیه گوٍجوٍ چاتمیر , پالانی تاپدالاییر .
« زورش به خر نمی رسد ، پالانش را كتك می زند !»



آرديني اوخو

« آ » سؤزو - ایلك بؤلوم

+0 به یه ن

بوندان بری ، بو یئنی بؤلوم ده ، آتا – بابا سؤزلرینی بیر یئره ییغیب ، قوللوغوزا تقدیم ائله ماقا چالیشاجاقام . سیز ده من یازاندان دان باشقا ، بیر شئی بیلسز ، منه گؤندهرین .

ایلك بؤلوم ده ، « آ » سؤزو – ایله باشلایان آتا – بابا سؤزلرین قویموشام .

 

آللاهدان اوزولمییه نه اؤلوم یوخدور .

«كسی(بیماری) كه امیدش را از خدا قطع نكرده نمیمیرد.»



آتا اولماق آساندی ‏‏، آتالیق ائتمك چتیندی.

«پدر شدن سهل است ‏‏،ولی پدری كردن سخت.»



آتا چاتینجاق ، ائششه یه مین!

«تا زمانیكه به اسب برسی سوارخر شو!»




آرديني اوخو


radyo dinle