+0 به یه ن
نئچه آی اولاردی " آتا – بابا سؤزلری "بؤولومونه بیر یازی یازمامیشدیم !
بوگون ایسته دیم بونا گؤره ده بیر یازام !
بونلاری اوخویون و باخیشلاریزی بویورون !
آبیرلی آبیریسیندان قورخار، آبیرسیز دئیر بس اوندان قورخور !
نه گؤزل سؤز دی ...
آت اوستونده وریان آلماق .
حاصلی هئچ اولان ایشه ایشلنر ! ( اكین سوواراندا آتین اوستونده اوتوروب بئل ایله پالچیق قویوب سویون قاباغین آلماق اولماز )
آج ساخلایار، سوسوز ساخلایار، یاخشی ساخلایار !
دا بللی دی دا نه دئییر !
آدام پولو قازانار، پول آدامی یوخ !
( پول قازانماق اوچون اؤزونو حددن آرتیق بركه قویما ! )
آدامین یاغی داشارسادا، گرك وعده سینه عمل ائله سین !
دولت آداملاری ائشیتسین با !
آرغاجی قیزیل دان دیر !
( ناموسون ساخلیا بیلمه ییر، بئ غیرت آدام دیر )
آغیرگل مسجید قاباغی دیر !
" شاخسئی " گئدنده چوخ ائشیتمیشیق بونی .
آللاه هئچ كیمی پوشكونو نانجیب آداملا سالماسین !
( پوشك = قرعه )
آنایان بیر تئلیندن ده آنلایار !
( عاشیق لارین سؤزو دور )
آیی دا « كردی وار » دان قاچیب دیر !
( ایشین چوخ آغیر اولدوغونا ایشله نر – كردیر وار= آغیزی ائنلی بئل )