+0 به یه ن
بوگون نئچه باشقا آتا – بابا سؤزلریندن سیز اوچون توپامیشام. بونلاری یئنه " فولكولور خزانه سی " كیتابیندان یازمیشام. بونلاری اؤرگه نیب ایشلتماقیمیز یاخشی و اؤنملی اولاجاق ! باخیش لاریزی گؤزلیرم.
ائششه یی مینرلر، حالوانی یئیرلر، دؤورانی سوررلر!
ائششه یین آرپاسی آرتیق دوشنده آنقیرار !
ال توتماق علی دن قالیب، ال كسمك سئیفعلی دن ! ( گئرمی كندلرینین بیرینده سئیفعلی آدیندا بیر دوكانچی واریدی، هر شئیی اوچ قات باها سینا ساتاردی. كندلی لر بو سؤزو اونا دییردیلر .)
اؤزون چك، اؤزون گؤتور ! ( قدیم لر بیر ایل خوی دا قیش بتر سویوق اولدو. ائله ایدی كی بعضی بقال لار الینی بالاجا كورسوسوندن ائشییه چیخاردا بیلمز و مشتری یه دییردی: اؤزون ... )
اؤزون ووروب علی نین قیلینجینا (هئچ نوع گوناهدان و پیس ایشدن چكینمه ییر )
اوغولون جوورون دده چكر ( دده اوغولون تؤرتدییی زحمت، خرج و زیانلاری چكر )
اون اوغول بیر دده نی ساخلایا بیلمز، بیر دده اون اوغولو ساخلایا بیلر !