+0 به یه ن
قیش چیخدی گزیر كوچ نی بو تازه جوانلار
یوخ یوخ نه جوان درس تمدن اوخویانلار
چون مدرسه قورتولدی چیخیب ائیله تماشا
چارراه دا خیاباندا دوشوب گؤر نئجه غوغا
قیزلار كی چیخیر مدرسه دن خیلی دل آرا
ناز ایله گئدیر منزله گویا كه مارالدی
بیردن گؤروسن آتدیلار بمب رنگی نی سارالدی
بو بوینی یوغون قانمور اوشاقدور چوخی قورخار
یا حملی وار آرواتدی جانیم زحمتی آرتار
یا تیریه كی دور نعشه قاچار معركه فالخار
ظاهر ده محصل دی اؤزی اهل كمال دی
لیكن كافی تشبیه دی او مال دی كی مال دی
چارشنبه سوری دا اولوبدور بئله مرسوم
بو رسم لری واجب ائدیبدور ننه كلثوم
تصدیق ائلیوب چوخلارینی زینب پاشا مرحوم
بیر ساعت اوتور دقت ایله ائیله تماشا
بیر بیر او یازان رسملری ائلیوم انشا
اولسون شب چارشنبه گركدور هامی دلشاد
چیخسونلار داما قیز گلین اوغلان كیشی آرواد
هر دامدا گرك اود یانا اولموش بئله ایجاد
قیزلار اونون اوستوندن او ساعت ده آتیلسین
آمما آتیلاندا دئیه جاق بختیم آچیلسین
دامدان ائیله كی اندیلر قورتولدو تماشا
بیر مجمعه خوش شب چره ائیلر مهیا
خورما ، یئمیش ، ایده ، سوجوق و فخری و حلوا
بیر عیده خانیم قلبیده بیر نیت ائدرلر
گیزلینجه قولاق آسماقا جدیّت ائدرلر
شال ساللاماقا بعضی ائدر قوی ایله رغبت
باغلاللار اونون شالینه هر شئیدن او ساعت
خوش یمن اولار گر دولما پیشیرسه شاما آرواد
شامدان سورا بیر آز بادام اویناللا یاتاللار
آرواد كیشی هر تك تكی مقصوده چاتاللار !