بابكین اوره یینی غم دلیر

جوانشیرین آهی گؤیه یوكسه لیر

كوراوغلونون مزاریندان سس گلیر

وطن اوغلو یامان گونده تانینار

(كسكین دن)

.

.

چن توتوب چنلی بئلی، ییغ اورایا شانلی ائلی، ائلیمیز ال بیر اولسا، قایتارا قانلی سئلی

.

.

بیر قلم ایسته ییرم جوهری قان یاش سایاغی

 بیر كاغاذ ایسته ییرم صفحه سی مئحنت قوجاغی

بیر مارال ایسته ییرم سینه سی دردلر یاتاغی

 یازیم آه ایله كئچیر گونلریمیز شانلی آراز

یاراشار آدلاناسان سن باشی طوفانلی آراز

.

.

یاغیشدان بیر كؤینك گئیه جه یم

دونیانی قوجاغیما آلاجاغام

او وقت لر كی سن سیز تك قالاجاغام

.

.

یامان فلك منه وفا قیلمادی

بیر كس منیم وفاداریم اولمادی

من آغلاتدیم من گولدوردوم دوستلاری

دوست لار منم هوادارایم اولمادی

من گئدیرم منیم یئریم بوش اولسون

یاخشی دوست لار هر دیاردا خوش اولسون

.

.

یاخشیلیغا یاخشیلیق، هر كیشینین ایشی دیر

یامانلیغا یاخشیلیق، نر كیشینین ایشی دیر!

.

.

یامان گونون عؤمور گرك آز اولا

باهار گله ائلین كئفی ساز اولا

بیر ائلین كی دوققوز آیی یاز اولا

بولوت نه دی، دومان نه دی، قار نه دی؟

.

.

چیخارت كؤینه ییوی ای صدفلی ساز

قوی تئلین اوستونده میضراب اویناسین

اوجالت نغمه لرین گؤی لره بیر آز

پاریلدات یئنه كؤنول اینانسین

.

.

هر بیر امك زای اولماز، هر گلن سس های اولماز، چوخ آدام كور اوغلودور، كوراغولویا تای اولماز

.

.

سنین قادان گؤزوم اوسته

گؤزوم قالدی سؤزوم اوسته

سؤزوم سنین سؤزون دی

سؤیله منه گؤزوم اوسته!