+0 به یه ن
گئدیرسیز مكه یه تكمیل اولا ایمان حاجیلار؟
وئره آللاه سیزه ده حوری و قلمان حاجیلار؟
فیكر ائدیرسیز كی قیامت ده ده وار خر تو خری
آقا وقتین اولاجاق هر كین تاج سری
آلاجاق دور و برین حوری و قلمان و پری ؟
وئره جكلر سیزه ده روضه رضوان حاجیلار؟
گئدیرسیز مكه یه بو ملتی آلداتماق اوچون
اوزادا ساققالیزی جینسی باهالاتماق اوچون
یاكی شیطان كیشی لر شیطانا داش آتماق اوچون
شیطانی وورماگینان كوهنه مسلمان حاجیلار
*
هئچ اولوب بیر گئجه سیز باش چكه سیز قونشولارا
گؤره سیز قونشونون آروادی عجب گییدی قارا
اری بیچاره آجیندان اؤزونو چكدی دارا
سیز دوغوردان حاجی سیز یا كی یالاندان حاجیلار؟
*
گر پولون چوخدو كیشی وئرگینن آجلاری دویور
گؤرموسن دولت الان مین دیلینن خالقی سویور
بیزی بیچاره ائدیب سیزلری آواره قویور
بو نه یاتماقدی یاتیبسیز سیزی قرآن حاجیلار؟
*
گاه گئدیرسیز وئریسیز كربلادا صداما پول
ائله بیر كره مكاندا سالیسیز ائششه یه چول
من اؤلوم كیمدی قویان جنگ ده آروادلاری دول
یا گؤرن بیز دئییریك صداما بهتان حاجی لار؟
*
قاراگونلر گرك هر یئرده وار ایرانه گله؟
نییه قویموللار بو ایران سر و سامانه گله؟
هئچ گؤروبسوز سیز عربلر ده خراسانه گله؟
او شه كرب و بلادیر بو خراسان حاجیلار
*
خراسان شاهینه یوخ فرقی امام حسینین
یوخ امام ائیله امام دیر بو منیم دیر او سنین؟
قولو سینسین گؤروم آللاه بئله قانون كسه نین
سیزه دیوان ائله سین شاه شهیدان حاجی لار
*
سیزه آللاه دئییب آج قوی بیزی پول وئر عربه
ییغ آپار وار یوخووی وئرگینن او بی ادبه
ائیله بیر یول وار عزیزیم یولووی سال حلبه
گرر آجیندان نه چكیر اوردا نریمان حاجی لار
*
جفر آباددا الان ملت آجیندان قیریلیر
قیرمیزی باشماق اوچون بیر جوت اوشاقلار ویریلیر
پولی چوخلاری یئییب ملتین حاققین جیریلیر
چوخو تاپمیر گییه تا اینینه تومان حاجیلار
*
هله قوی كئیف ائله سین مكه ده استانداریمیز
یاخشی ماهردی شعار وئرمه یه فرمانداریمیز
یاری میز خواب جهالتده دیر قالدی یاریمیز
یاریمیزدا اوره یی غمدن اولوب قان حاجی لار
*
زنگان آباد اولا ویران اولا استاندارا نه
خان خوله جر جهنم كیشی فرماندارا نه
چوخ گناه بیزده دی بو بی گناه انسانلارا نه
بولارا نه كی اولوب ات نئچه توامن حاجیلار
*
كیشی بونلار گلیب استانه كی تا كئیف ائله سین
باهادی تاكسی چؤرك قارداس ، حسن بورج ائله سین
گلیب هر كس بورا بو شهرده بیر پول كوره سین
خالقی آلداتماغادی بیر بئله احسان حاجیلار
*
سؤز اولور حضرت استاندار اولور كوهه روان
یئیه صبحانه ، سونا ائیلیه تفریح كنان
ساهات اون بیرده گلیر دفترینه مرد جوان
یئتیشیر وقت اذان باغلانیر هر یان حاجیلار
ایشه واخ قالمیری ساكی سیزه قربان حاجیلار
*
كس سسین شاعر بدبخت قوتار سؤزلریوی
یوخوسوزلوق چیخادار صبحه كیمی گؤزلریوی
گئده زنگانی یاتیب سن دؤیوسن دیزلریوی؟
دردی فرهنگ دی اولماز بونا درمان حاجیلار
وئره آللاه سیزه ده حوری و قلمان حاجیلار؟
فیكر ائدیرسیز كی قیامت ده ده وار خر تو خری
آقا وقتین اولاجاق هر كین تاج سری
آلاجاق دور و برین حوری و قلمان و پری ؟
وئره جكلر سیزه ده روضه رضوان حاجیلار؟
گئدیرسیز مكه یه بو ملتی آلداتماق اوچون
اوزادا ساققالیزی جینسی باهالاتماق اوچون
یاكی شیطان كیشی لر شیطانا داش آتماق اوچون
شیطانی وورماگینان كوهنه مسلمان حاجیلار
*
هئچ اولوب بیر گئجه سیز باش چكه سیز قونشولارا
گؤره سیز قونشونون آروادی عجب گییدی قارا
اری بیچاره آجیندان اؤزونو چكدی دارا
سیز دوغوردان حاجی سیز یا كی یالاندان حاجیلار؟
*
گر پولون چوخدو كیشی وئرگینن آجلاری دویور
گؤرموسن دولت الان مین دیلینن خالقی سویور
بیزی بیچاره ائدیب سیزلری آواره قویور
بو نه یاتماقدی یاتیبسیز سیزی قرآن حاجیلار؟
*
گاه گئدیرسیز وئریسیز كربلادا صداما پول
ائله بیر كره مكاندا سالیسیز ائششه یه چول
من اؤلوم كیمدی قویان جنگ ده آروادلاری دول
یا گؤرن بیز دئییریك صداما بهتان حاجی لار؟
*
قاراگونلر گرك هر یئرده وار ایرانه گله؟
نییه قویموللار بو ایران سر و سامانه گله؟
هئچ گؤروبسوز سیز عربلر ده خراسانه گله؟
او شه كرب و بلادیر بو خراسان حاجیلار
*
خراسان شاهینه یوخ فرقی امام حسینین
یوخ امام ائیله امام دیر بو منیم دیر او سنین؟
قولو سینسین گؤروم آللاه بئله قانون كسه نین
سیزه دیوان ائله سین شاه شهیدان حاجی لار
*
سیزه آللاه دئییب آج قوی بیزی پول وئر عربه
ییغ آپار وار یوخووی وئرگینن او بی ادبه
ائیله بیر یول وار عزیزیم یولووی سال حلبه
گرر آجیندان نه چكیر اوردا نریمان حاجی لار
*
جفر آباددا الان ملت آجیندان قیریلیر
قیرمیزی باشماق اوچون بیر جوت اوشاقلار ویریلیر
پولی چوخلاری یئییب ملتین حاققین جیریلیر
چوخو تاپمیر گییه تا اینینه تومان حاجیلار
*
هله قوی كئیف ائله سین مكه ده استانداریمیز
یاخشی ماهردی شعار وئرمه یه فرمانداریمیز
یاری میز خواب جهالتده دیر قالدی یاریمیز
یاریمیزدا اوره یی غمدن اولوب قان حاجی لار
*
زنگان آباد اولا ویران اولا استاندارا نه
خان خوله جر جهنم كیشی فرماندارا نه
چوخ گناه بیزده دی بو بی گناه انسانلارا نه
بولارا نه كی اولوب ات نئچه توامن حاجیلار
*
كیشی بونلار گلیب استانه كی تا كئیف ائله سین
باهادی تاكسی چؤرك قارداس ، حسن بورج ائله سین
گلیب هر كس بورا بو شهرده بیر پول كوره سین
خالقی آلداتماغادی بیر بئله احسان حاجیلار
*
سؤز اولور حضرت استاندار اولور كوهه روان
یئیه صبحانه ، سونا ائیلیه تفریح كنان
ساهات اون بیرده گلیر دفترینه مرد جوان
یئتیشیر وقت اذان باغلانیر هر یان حاجیلار
ایشه واخ قالمیری ساكی سیزه قربان حاجیلار
*
كس سسین شاعر بدبخت قوتار سؤزلریوی
یوخوسوزلوق چیخادار صبحه كیمی گؤزلریوی
گئده زنگانی یاتیب سن دؤیوسن دیزلریوی؟
دردی فرهنگ دی اولماز بونا درمان حاجیلار