دونیادا اوشاقلار گونو

+0 به یه ن

بوگون مهر آیینین 16 - سی دونیادا اوشاقلار گونون آدلانیپ

من ده بوردا تورك اوشاقلار اوچون بیر ناغیل قویورام

اونی اوخویون و اوشاقلارا تعریف ائلییین

او گونو گؤرمك ایسته ییرم كی بوتون تورك اوشاقلاری، توركی ناغیل ائشیتسینلر

قوشون نصیحت لری

گونلرین بیرینده بیر شخص قفس ده كی بیر قوشی گتیریب، بازاردا ساتدی، اونو آلان آیری بیر آدام ائوینه گتیردی قوشو. بو حیوان اورا چاتماق همن باشلادی دانیشماغا. قوش بو آداما دئدی:

-         منی قفسده اؤلدورمكدن سنه نه چیخار. منی بوشلاسان سنه اوچ سؤز اؤیره ده رم.

كیشی دئدی:

-         من بونا نئجه اینانا بیلرم؟

قوش دئدی:

-         سؤزون بیرینجیسینی سنه قفسده، ایكینجی سینی ده الده، اوچونجوسو ایسه آغاجدا دئیه رم.

قوجا قوشو آپاردی باغا و اونا دئدی:

-         سؤزلرینی باشلا.

قوش دئدی:

-         هر شئی كی سنین الیندن چیخدی، اؤنا گؤره تأسف لنیب، كدرلنمه.

قوجا كیشی ائشییه چیخاردیب، اوندان ایسته دیكی، ایكینجی سؤزونو دئسین. قوش دئدی:

-         او شئی كی، ماحالدی و الده اولمایان دی، اونو ائتمه یه چالیشما.

كیشی گؤردو بو سؤزلر گؤزل سؤزلر دی، تئز قوشو بوراخدی، قوش اوچوب قوندو آغاجا و سونرا اوزونو قوجایا توتوب دئدی:

-         سهو ائله دین منی الدن وئردین. چونكی منیم قارنیمدا ییرمی میثقال قیزیل واردی.

-         قوجا بونو ائشیدیب، تأسف لندی، قوش سونرا اونا دئدی:

-         - منیم سؤزلریمی نه تئز یاددان چیخارتدین. سنه یوخسا دئمه دیم هر شئی كی، الیندن چیخدی تأسف ائله مه. چونكی سنین الیندن چیخمیشام، نه قده ر غصه ائله سنده گلمه رم. بیرده دئمه دیم اینانیلمامالی سؤزلره اینانما، چون منیم آغیرلیغیم ییرمی میثقال اولماز، هاردان ییرمی میثقال منیم قارنیمدا یئرله شه جكدیر.

قوجا كیشی دئدی:

-         ایندی اوچونجو سرزونو منه دئ.

قوش جاواب وئردی:

-         منیم حاققیمدا یاخشی ایش گؤروبسن، لطف ائله ییبسن، یاخشیلیغین قاباغیندا گرك سنه یاخشی لیق ائده رم. ایندی همن آغاجین آلتیندا قیزیل وار، قاز اونو گؤتور، خرجله.

قوجا آغاجین آلتین قازیر و قیزیلی تاپیر و گرردویو عمله ایسه چوخ سئوینیر.



radyo dinle