بو شعر اوستاد شهرییاردان دی آمما اونی یئنی كیتابلاردا تاپماق اولماز

اونین ماهنی­سین دا آلتینداكی باغلانتی دان دانلود ائلیه بولرسیز

كونلوم قوشو قاناد چالماز، سنسیز بیر آن آزربایجان

خوش گونلرین گئتمیر مودام خیالیمدان آزربایجانسن

دن اوزاق دوشسم ده من عشق ایله یاشاییرام

یارالانمیش قلبیم كیمی قلبی ویران آزربایجان

بوتون دونیا بیلیر قودرتینله دؤولتینله

آباد اولوب، آزاد اولوب، مولكو ایران، آزربایجان

بیسوتونی، اینقیلابدا شیرین وطن اوچون فرهاد

كولونگ وورموش اوز باشینا زامان – زامان آزربایجان

وطن عشقی مكتبینده جان وئرمه یی اؤیرنمیشیك

اوستادیمیز دئمیش هئچدیر وطنسیز جان آزربایجان

قورتارماكچون ظالیملارین الین دن ری شومشادینی

اؤز شومشادین باشدان – باشا اولوب آل قان آزربایجان

یا رب نه­دیر بیر بو قدر اوركلری قان ائتمییین

قولو باغلی قالاجاقدیر نه واختاجان آزربایجان

ایگیدلرین ایران اوچون شهید اولموش اوزینده

درد آلمیسان غم آلمیسان سن ایراندان آزربایجان

اوولادلارین نه واختادك تّركی وطن اولاجاقدیر

ال – اله وئر عصیان ائله اویان اویان آزربایجان

یئتر فراق اودلاریندان اود الندی باشیمیزا

دور آیاغا یا آزاد اول یا تامام یان آزربایجان

شهرییارین اوره­یی ده سنین كی تك یارالیبدیر

آزادلیقدیر سنه ملحم منه درمان آزربایجان!

دانلود