+0 به یه ن
محرم آیی یاخینلاشماقدا دیر. بو آیدا آذربایجان دا یاشایانلار دا او بؤیوك ایمامین اؤلمه سینه گؤره عزا توتاللار . بو عزالاردا ارنملی نوحه لر اوخونار . بو نوحه بیر آدلی نوحه دیر اوستاد شهریار دان . خیدمتیزده . گؤرشلریزی گؤزلیرم .
هلال محرم
محرم دیر ، خانیم زئینب عزاسی
بیزی سسلیر حوسئینین كربلاسی
یولی باغلی قالیب دوشمن الینده
داها زووارینین یوخ سس – صداسی
( بوگون كربوبلا ویران اولوب دور )
( حوسئین اؤز قانینا غلطان اولوب دور )
چاغیر شاه نجف گلسین هرایه
جهاد ایله آچاق یول كربلایه
علی نین ذولفقاری درده چاتسین
حوسئین قوربان لاری گلسین منایه
( بوگون كربوبلا ویران اولوب دور )
( حوسئین اؤز قانینا غلطان اولوب دور )
جهاد مئیدانی دیر ، میللت دایانسین
موسلمان خواب غفلت دن اویانسین
اوجالسین نعره الله اكبر
گرك كافر جهننم ایچره یانسین
( بوگون كربوبلا ویران اولوب دور )
( حوسئین اؤز قانینا غلطان اولوب دور )
گلیب غئیرت گونی ، هیممت زامانی
اوجالداق باشدا آذربایجانی
گئدك صددام كافیرله جهاده
ییخاق بو بی مورووت ائو ییخانی
( بوگون كربوبلا ویران اولوب دور )
( حوسئین اؤز قانینا غلطان اولوب دور )
حوسئین زوواری نین قورتاردی صبری
قیراق بو قوردلاری ، كافتاری ، ببری
آچاق یول كربلایه ، كاظئمئینه
چكك آغوشه او شئش گوشه قبری
( بوگون كربوبلا ویران اولوب دور )
( حوسئین اؤز قانینا غلطان اولوب دور )
گرك دیر اولماسا ، دونیانی آتماق
شرف ، عیززتلی بیر دونیا یاراتماق
ساعادت دور حوسئین قوربانلاری تك
شهادتله لئقا الله ه چاتماق
( بوگون كربوبلا ویران اولوب دور )
( حوسئین اؤز قانینا غلطان اولوب دور )
موسلمان صف چكیب دعوایه گلسین
چاغیر عبباسی تاسوعایه گلسین
قیزی زئینب ارزی صاحیب عزادور
چاغیر زهرانی عاشورایه گلسین
( بوگون كربوبلا ویران اولوب دور )
( حوسئین اؤز قانینا غلطان اولوب دور )
آنا ! اوغلون شهید اولدو ، موبارك
شهادتله سعید اولدو ، موبارك
امید جننتین تاپدین ، دا سندن
جهننم ناامید اولدی ، موبارك
بئله توی كیم گؤروب دونیاده قاسیم
تویی یاسه دؤنن شهزاده قاسیم
آنا ! اوغلون علی اكبر فداسی
تویی قاسیم كیمی اولموش عزاسی
دوروب جننت قاپوسیندا گؤزتلیر
كی گلسینلر آناسی له ، آتاسی
بئله توی كیم گؤروب دونیاده قاسیم
تویی یاسه دؤنن شهزاده قاسیم