بتول و مصطفی پئیغمبر آغلار

حوسئینین نوحه سین دلریش یازاندا

موسلمن سهلدیر كی كافر آغلار

كور اولموش گؤزلرین قان توتدی شیمرین

كی گؤرسون اؤز الینده خنجر آغلار

حوسئینین كؤینگی زهرا الینده

چكر قیحا قیامت ، محشر آغلار

آتاندا حرمله اوخ كربلا ده

گؤرئیدین دوشمن آغلار ، لشگر آغلار

قوجاغیندا ، گؤرئیدین ام لیلا

آلیب نعش علی اكبر آغلار

روباب ، نیسگیل دؤشونده سود گررنده

علی اضغری یاد ائیلر آغلار

باشیندا كاكل اكبر هواسی

یئل آغلار ، سونبول آغلار ، عنبر آغلار

یازاندا آل طه نوحه سین من

قلم گؤردوم سیزیلدار ، دفتر آغلار

علی ، شقق القمر ، مئحراب تیلیت قان

قولاق وئر ، مسجید اوخشار منبر آغلار

علی دن ، شهریار ، سن بیر ایشاره

قوجاقلار قبری ، مالك اشتر آغلار

تبریز 26 – 2 - 1358