+0 به یه ن
تیراختور یانداشلاری تیراختوردان، حمله ائدیب قول وورماق ایسته‌یه‌نده، معمولن دئییرلر :"تیراختور حمله ائله جیریخ یئرین تاپمیسان"؛ ایكینجی میصرع ائله ده یاخشی دئییل. آما بو گونكو ائل یاریشیندا آزربایجان تیملری‌نین فرقلی اولماماقلارینا گؤره اونو بئله دئدیلر: " تیراختور حمله ائله، بیز آسیا ایستیریك " بو اولدوقجا گؤزل، ماراقلی و دوشونجه‌لی بیر شوعار ایدی؛ یارادانی و دئیه‌نلری‌نین اللری آغریماسین.
بلدیه (شهرداری) یاریم فصلین اوچ اویوندان بیرینجی‌سینی قوناق ائوینده موساوی ائدیب، ایكینجی‌سی‌نی ائوده اوتوب؛ اوچونجوسونو آزربایجان دئربی‌سینده آز قالیردی بیر باشقا موساوی آلسین. گیرمیشدی دیفاعا. تیراختورون فورواردلاری‌دا بوتون توپلاری كؤرلاییردیلار. باشقا یاندان عصبی اولوب حیرصله‌نیردیم تیراختور، لیگین لاپ گوجسوز دیفاعینا قول وورابیلمیر.
بو دا تیراختورون شانسی‌دیر! بلدیه بئله یاخشی اویونلارلا كسینلیك ایله اوستون لیگ‌ده(لیگ برترده) قالاجاق. آما آزربایجانا اوچ امتیاز گئتمك، ایكی تیمه درده ده‌یمه‌یه‌ن ایكی دنه بیر امتیازدان چوخ چوخ چوخ اؤنملی ایدی. البته آللاه اوزوموزه باخدی سون دیقه‌ده ابراهیمی‌یا پئنالتی اولدو و نوصرتی ده بیر گؤزل قول ووردو. بو اوچ امتیار تاریخ‌ده ایلك دؤنه اولاراق، تیراختورو تئهرانین ایكی سئوگیلی تیمیندن یوخاری سیرایا آپاراردی. بو یوخاری گئتمك‌ده یقین كی بلدیه‌نین ائتكی‌سی(تاثیری) اولوبدور. دوزدور دؤرد آی بوندان قاباق ائوده استقلال اوچ امتیاز وئردی آما كئچن هفته استقلالا تئهران‌دا اوتوزماییب و بو هفته تیراختورا یئنیلیدی. یاشاسین بلدیه. بلدیه هئچ‌ده نیاران اولماسین كی بو گؤزل اویونلارینا گؤره بوندان سونرا تك قالمایاجاق.
تیراختور یانداشلاری تیراختوردان، حمله ائدیب قول وورماق ایسته‌یه‌نده، معمولن دئییرلر :"تیراختور حمله ائله جیریخ یئرین تاپمیسان"؛ ایكینجی میصرع ائله ده یاخشی دئییل. آما بو گونكو ائل یاریشیندا آزربایجان تیملری‌نین فرقلی اولماماقلارینا گؤره اونو بئله دئدیلر: تیراختور حمله ائله، بیز آسیا ایستیریك
بو اولدوقجا گؤزل، ماراقلی و دوشونجه‌لی بیر شوعار ایدی؛ یارادانی و دئیه‌نلری‌نین اللری آغریماسین.
و تیراختور او ایكی تیمی اوسته‌له‌دی!
تیراختور ایكی دنه ده آرتیق قول وورسایدی قول تفاضولونا گؤره كـیرمانین میسینده كئچمیشدی. البته امتیازلار بیر دیر و من گله‌جه‌یه اومودوم وار. آنجاق لاپ اؤنملی بو دور كی استقلال تئهران‌دا ذوب‌آهنه اوتوزدو تیراختور پیروزو‌دان سونرا استقلالی‌دا قاباقلادی! بو چوخ سئویندیریجی‌دیر. شبكه اوچون فوتبال برتر" وئرلیشینین آپاریجی‌لاری منجه بونا گؤره راحاتسیز ایدیلر. بو راحاتسیزلیغین نه‌ده‌نی اونلارین بیر گولونج ایشلری ایدی. ائله‌بیلمه‌یین تكجه تیراختور یانداشلاری‌نین عكس العملی تئز دیر و تمیز اویغون شوعارلار چیخاردیب دئییرلر. تیلویزیون‌دا كی پاخیللار ایشلرینی چوخ یاخشی باشاریرلار. زامان قورتارماق باهاناسینا دئدیلر سؤال-جوابا واخت یوخدور
آنجاق فقط بیر قوناغا اجازه وئریریك سورغوسونو سوروشسون. سؤال سوروشان‌دا زیر تورك لهجه‌سینده پارسجا دئدی: "صدر جنابی! بو پئرسپولیس و استقلال تاخیملاری 60 و 70 جی ایللرده به‌تر فوتبول اویناردیلار آخی! محبوب تیملریمیزین باشینا نه گلیب بس؟!" البته صدر پیس یانیت(جواب) وئرمه‌دی دئدی ایران‌دا چوخدان‌دیر فوتبول نئچه قوطب‌لو اولوب و بو فوتبول ایچین یاخشی‌دیر. آما لاپ ماراقلی وئرلیشین ایكی دنه كامئرا جایزه‌سی ایچین پوشك آتیلاندان سونرا همن تیراختوردان خبرسیز اولان، آما پیروزی و استقلالین نوستالژی‌سینی چه‌كه‌ن توركون آدی چیخدی!
بئله واختلاردیر آدام دئمه‌لی‌دیر: "شانسا باخ شانسا! ماشاللا دئیه‌ك گؤز ده‌یمه‌سین". اولابیلر بئله بیر اؤنملی(مهم) سوال سوروشاق و جایزه آلماق باعیث اولا كی تیراختورون دؤردونجو دال با دال اوتماغی، او ایكی تیم‌دن قاباغا دوشمه‌سی، و قهرمانلیق و آسیا سهمیه‌سینه یاخینلاشماسی، آزربایجانین بوتون كؤی‌لری، كندلری، شهرلری و بؤلگه‌لرینده یادلاردان چیخیب و ده‌یه‌رلی بیلینمه‌سین!!
یازان : آیدین ك