من اونا سایقی دویاركن ، او منه سئوگی دویارمیش

اونی قارداشیم گؤرركن ، منه سئوگیلی باخارمیش

او بو گؤزلره باخاركن ، كونلونون اودو یانارمیش

من اونی بیر آن گؤرنده ، او قاناد چالیب اوچارمیش

اونی گؤرمك ایسته ینده ، ایشینی قویوب قاچارمیش

من او گؤزلره باخاندا ، دئمه قلبی چیرپینارمیش

من اونون الین توتاندا ، دوداقیندا گول آچارمیش

اونلا بیرلیكده گولركن ، ایشمی غمزه سانارمیش

بو ایشی غمزه دویاركن ، او دا یاندیریب یاخارمیش

من اونی قویوب گئدنده ، یولوما دؤنوب باخارمیش

من اونون الین اؤرتوردوم ، او منی گه لن سانارمیش

عومرونو باشا چاتینجا ، منه سئوگیلی قالارمیش

یازان : احمد محمدخانلو