اورمودا اوچاق قضاسینین قیرخینجی گونو

+0 به یه ن

بوگون چارشمبه بهمنین 27نجی گونو مظلوم اهالی نین ایهمالا قوربان گئتدیك لری او قورخونج اؤلوملو اوچاق قضاسینین قیرخینجی گونودور. او طالعسیز گونده هموطنلریمیز مظلومجاسینا جان وئردیلر. یول و ترانسفر باخانی میللت وكیل لری طرفیندن سورقویا آلیندی ، آمما باخان حتی مجلیس ده اولما نزاكتینده بولونمادی. رییس جمهوردا بئله بیر نزاكت گوسترمه دی . سانكی بیزیم هموطن لریمیز اؤلومه محكوم ایمیشلر. مجلیس سورومسوز باخانی ایشدن آلدی ، آمما رییس جمهور اینسانلارا عیناد دیه اونو آلیب دانیشمان لاری اوردوسونا داخیل ائدیب و یئنیدن كابینه یه سوخدو. مملكتین اوست اوزی دین آدامی و بیرینجی مقام دا اولانلارا حتی بیر تعزیه مئساژیدا وئرمه دی. بو اینسانلیق مودور ؟ بو وطن سورلیك مودور ؟ بو مملكت دارلیق مودور ؟

بو گون چیخیب شهری گزیندییمده سایسیز حساب سیز تعزیه و یاس توره ن مراسیملرینین ایعلان لاری دووارلاری سووامیشدی. اینسانین قلبی سیخیلماسین نه ائتسین ؟ بو آرادا بیر آیله نین ایشی داها دا زور ، داهادا وخیم ، داهادا ایچ آجیسی گورونوردو. سایین گشاده فیكر آییله سی بلكه ده قوربان گئدنلرین ان آجیلی اؤیه سیدیلر. جناب گشاده فیكر بیر آن دا هم گنج خانمین ، هم قاین آناسین ، هم آناسین همده ایكی پریل پریل دونیا گؤزلی ایكی قیزین ایتیرمیشدیر. اونون او معصوم گوزل ایكی كیچگی " سئوین و آیلین " بیری كؤرپه اوبیری مظلوم كوچوك بیر فیدان . گئرچك دن بیز بو كدرلی طالع سیز آتانین یئرینه اؤزوموزی قویا بیلرمییز؟ مملكتین هله بیرینجی سیرادا سوروملولارینین هر هانكیسینین باشینا بئله بیر اولای گلسئیدی بو قدر راحات و هئچ بیر شی اولمامیشجاسینا داورانا بیلر میدیلر ؟ بو گون بیر تانیدیقدان جناب گشاده فیكرین احوالین سوردوم . بیلیرسینیز نه جواب وئردی ؟ جواب وئردی كی تانری دوشمانینین دا باشینا گتیرمه سین ! آدام هر گون بیر ایل یاشلانیب . بئلی بوكولوب . جاوان آدام مییته دؤنوب . قیرخ گونده قیرخ ایل قوجالیب ! من بیر شئی دییرم سیز بیر شی اشیدیرسینیز! اینسان نه دئسین ؟ نه سؤیله سین ده اوره گی سووسون ! الدن بیر شئی گلمیر تانری هركسه گوج وئرسین كی  بوكدرین آلتیندان قالخسین . آللاه سوروملو مقاملارادا اینصاف وئرسین ! تانری باعیثینه نهلت ائتسین !

بیز نه دئیه ك عزیز هموطن لر ؟! بیزیمده الیمیزدن بیر شئی گلمیر! منده اؤز نوبمده رببیمدن ایستییرم بیر داها خالقیمیزا قادا بلا گوسترمه سین . آمین .

اورمولو تایماز ( بیر آز دییشمه ایله )



radyo dinle