آرمانچی اؤیرنجی لرین آچیقلاماسی

+0 به یه ن

۱۳۹۰اینجی ایلین فروردین آیینین ۱۳ (چؤل گونو) حاققیندا اولان تبریزین آرمانچی اؤیرنجی لرینین آچیقلاما سی؛

گؤز یومما گونشدن، نه قدر نوری سارالسا

سؤنمز ابدی، هر گئجه نین گوندوزو واردیر

ظولمون توپی وار، گوللسی وار، قلعه سی واردیر

حاققیندا بوكولمز بئلی، دؤنمز اوزو واردیر

هاوا قورغوشون كیمی آغیرلیق ائدیر و بو آغیر قورغوشون اؤزگورلوك و آزادلیق باغیرتیسین بوغور.

یئنی ایلی بیر حالدا باشلامیشیق كی هئچ بیر یئنی ایستك لری فاشیست حاكیمییتین قارشیسیندا ایسته مه میشیك. بو آچیقلاما بیر سیاسی آچیقلاما دئییل. بیر وطنین دوشونجه لی اینسانلاریندان، اؤز وطنینه عاشیق اولان بیر یا نئچه اینسانین ایسته ییدیر كی بیرینجی وطن لرین آذربایجان بیلیرلر و ایكینجی وطن لرین ده آذربایجان و ها بئله آخیرا كیمی آذربایجان بیلیرلر.

نئچه گون سونرا چؤل گونو یولدان یئتیشیر و وطن منی، و ها بئله مندن چوخ سیزی گؤزله ییر. یاشاماقا یئنیدن باشلاماق اوچون بیر ایستك. بلی، موسلمانلارین قورآنیندا سماء سوره سینده سؤز وئریلن یاشاییش. یاشاییش ارزیشلری منده و سیزده آختاریر. بو گون اورمو منی، سیزی و اونو گؤزلویور.دئمك اولار بو گون اورمو یوخ، بوتون آذربایجان منی، سیزی و اونو گؤزلویور. نیه كی ایسته میر یاشاییشی الدن وئریب و بیر قورولدان دوزون آلتیندا، بعضی فورصت طلبلرین ایستك لریینه گؤره، اؤز بركتدن دولو گؤیون و نعمت باغیشلایان توپراغین اؤلوم حالیندا گؤرسون.

بو گون بو باهانادان فایدالانیب سیز وطن داشیملا دانیشماقا فورصت تاپدیم.بو گون ده ییرمان لاری گئچن ایل كیمی قورماقا حاضیرلانمیشیق.بو گون گئچن ایل كیمی یوخ، ۸۵اینجی ایلین خورداد آیینین بیری كیمی بیر یئنی باشلانیش یارادماقا حاضیرلانمیشیق.بو گون بوتون حاقلاریمیزی هویت اوغرولاریندان و اؤز وطن لری آذربایجانا ساتقین اولانلاردان آلماقا حاضیرلانمیشیق.تورك دیلینده مدرسه و آذربایجان اویاخدی، میللتینه دایاخدی سؤزلرین یازیب اوخوماقا قطعی قرار قبول ائتمیشیك.

بو گون ۸۵اینجی ایلین خورداد آییندا، تبریز، اورمو، اردبیل و آذربایجانین بوتون شهرلرینده آتالاریمیزین طرفیندن اكیلمیش توخوم لار جوجه ریب و ایندیسه درمه یه حاضیردیرلار.

همیشه گلجك بیزیمدیر دئمیشیك، آما بو گون آرمان چیلار اونا بیر آیری سؤز ده آرتیریبلار و او گئچمیشده بیزیمدیر سؤزودور.بلی، دوغروسو گئچمیشده بیزیمدیر و گلجه یی اونا باخاراق بئجردیریك.

بو گون آذربایجان میللتینه دونیا آزادلیق گونو ساییلیر. نیه كی دونیانین بوتون قودرت لرین یئره ویرماق قودرتینه صاحیبدیر. رادیكال بونیادگرالار و تمل چی لر حاكیمییتی، یالانچی و فانتزی توههوم ده یاشایان یاشیلچیلار و باشقا قودرت لر.

بو گون بیز ایللر بویو قان اوتماقیمیزین و ظولم آلتیندا یاشاماقیمیزین نتیجه سینی بیر یئنی باشلانیشلا گؤره جه ییك. هر حالدا یئنه ده چؤل گونو یولدان یئتیشیر و دانیشگاهلاردا اولان بوتون آرمانچیلار، بیر سس ده، بئله بیر تام موباریزه دن دولو اولان گونو سایقیلی میللتیمیزه قوتلو اولسون دئییب، اعلام ائدیر فیكیر باخیمیندان و ایش باخیمیندان، آرمان تشككولونده درس آلان بوتون اؤیرنجی لر، آذربایجان جامیعه سینین كیچیك بیر عوضوو اولاراق، بیر حالدا كی دانیشگاه موحیطینده هئچ بیر اوتاق یا تشككول اونلارا ایختیصاص وئریلمیر، بوتون حاقلارین آلان چاغا كیمی جاندان چالیشیب و دالا قاییتمایاجاقلار. و هابئله آرمان تشكیلاتیندا چالیشان بوتون اؤیرنجی لر هئچ بیر اؤزل سیاسی گوروها باغلی اولمایاراق، سیاسی باخیشلارینی یالنیز و یالنیز آذربایجان و آذربایجانین میللی حركتی دونوشورلر و چؤل گونو آذربایجانین بوتون دؤشونجه لی و سایقی لی میللت ایله برابر تبریزده، آذربایجان میدانیندا،آجی چای قیراغیندا ساآت 15:30 دا، اورمو گؤلونون قوروماسینین قارشی سیندا اولان اعتیراضلارا قاتیلاجاخلار. 



radyo dinle