+0 به یه ن
14 ایل قاباق، بو گونلر، ایلك دؤنه مدرسه یه گئدیردیم. یادیما گلیر چوخلی هیجان واریم ایدی. اوندا سئویردیم گئدیب، یازیب - اوخوماقی اؤرگه نم. كیمسه ده منه دئمیردی سن اؤرگه نن دیل، آنا دیلین دئییل. من چوخ هوشلی اوشاق اولاراق، فارسی دیلین تئز اؤرگندیم، آمما یئنه كیمسه دئمه دی اوّل آنا دیلینی باشار، سونرا گئت اؤزگه دیل باشینا!
دئمك اولار اورتا مكتبه قدر بو سایاق قاباقا گئتدیم. او زامانلار تازا دوشوندوم كی منیم آنا دیلیم، باشاردیقیم دیلدن اوستون و شیرین دیر. بیلیم یوردونا داخیل اولماقدان، آنا دیلیمی اؤرگنماق امكانی دا منه یاراندی! بالا بالا توركجه اوخویوب یازدیم. چوخ سئوینیردیم آنا دیلیمده درسلریمی اوخویام، آمما ... !
ایندی آرزوم بودور «مدرسه» لرین آدی دییشیلیب، «اوخول» اولا !
آذربایجان اوشاقلاری «توركجه» یازیب – اوخوماقی باشارسینلار!
توركی دیلینین اوستونلویو هامیلارا آیدین اولوب، هر كسین اؤز دیلینده یازماسی آزاد اولا!
آذربایجان میللتی اؤز حاققینا چاتسین!
و هامی بونی بیلسین: « تورك دیلینه مدرسه ، اولمالی دی هر كسه »!
یاشاسین آذربایجان ، یاشاسین آنا دیلیم ، یاشاسین اورمو گؤلو !