دیلیمزده اولان دوققوز سسلیدن دؤردونو ( آ A – ی I – و U – وُ O ) دئینده دیل آرخا طرفده یوخاری قالخیر و سس قالین چیخیر. بونلارا دیل آرخاسی و یا قالین سسلیلر دئییلیر. آمما قالان بئش سسلینی ( اَ Ə – ای İ – ؤ Ö – و Ü - ﺌ E ) دئینده دیلین قاباق حصّه سی اؤن داماقدا قالیر و سس اینجه چیخیر. بونلارا اینجه سسلیلر دئییلیر. سسلیلردن « و O – ؤ Ö - ﺌ E ) آذربایجانی كلمه لرینین اساساً بیرینجی هئجاسیندا و یئرده قالانلاری سؤزلرین هر یئرینده گله بیلر. دیلیمیزین سسلیلری قیسادیر.

بو ایكی بؤلومو یاددا ساخلاماق اوچون بو جمله نی اؤرگه نین :

« اوبالار اولدوزلاردان ایشیق آلارلار. »

بورادا اولان دؤرد سسلی سؤز، قالین سسلیلر دیلر و قالانلاری اینجه.

توركی كلمه لرده اولان سسلی سؤزلر، اینجه یا قالین اولمالیدیلار. یالنیز بیر گروه دان !

ایسته سز بیر كلمه نین توركی اولماقینی سینایاسیز، بو یاخشی بیر یول اولا بیلر !