تیراختور ایرانین اوستون لیگاسینا گلمه كله چوخلو بیرزادلاری دئییشدی. تئهرانین سئوگیلی قیرمیزی-ماوی تاكیملارین گؤزده ن سالاراق ایران مئدییالارینین باخیمین بوتونلوكله اؤزونه ساری چكدی. تیراختورچولار آزربایجانین قیرمیزی سیمگه سین ال لرینده دالغالاندیراراق ایرانین باشا-باشیندا اولان مئیدانلاری آیاقلارینین آلتینا آلدیلار. آنایورد دالغاسی ایرانی تیتره تدی. تیراختور میلیونلار سئودالی آرخاسیندا گؤره ره ك ایرانین ان چوخ سئویله ن تاكیمینا چئویریلدی. بو سئوگینین گؤبه یینده شوبهه سیز آزربایجانین قوتسال آدی پارلانماخدایدیر. وطن ایگیدلرینین بوغولموش دویغولاری بوتون مئیدانلاردا اؤزه للیكله «قیرمیزی قوردلار وادیسی» آدی اؤزونه آلمیش آزربایجانین «سهند» ایستادییوموندا اوجا سسله باغیریلدی. یوز مینده ن آرتیخ ایگید بوتون دویغولارییلا سس-سسه وئره ره ك « یاشاسین آزربایجان » گؤستریسی ایله ایستادییومو پاتلاتدیلار. « آزربایجان یوردوموز، تیراختور بوزقوردوموز » گؤستریسی كی تیراختورو آزربایجانین بیر سیمگه سی اولاراق گؤسترمك ایسته ییردی اوجا سسله سسلندی و ایل لر بویو یاساقلانمیش « تورك دیلینده مدرسه، اولمالیدیر هر كسه » گؤستریسی تیراختورچولارین ایلك گؤستریسینه چئویریلدی. تیراختورچولار اورمو گؤلونون قوروماق تهلیكه سین درینده ن دوشونه ره ك بوغازلاریندا قالمیش دویغونو «گلین گئداق آغلییاق، اورمو گؤلون دولدوراق» گؤستریسی ایله سو ائتدیلر. تیراختورچولاری نه قده ر گؤزو گؤتورمه یه ن چوخ اولسادا اؤزلرین ایرانین ان جوشغون یاردیمجیلاری اولاراق تانیتدیلار و ایكی ایل آردیجیل تیراختور یاریشمالاری ان چوخ یاردیمجی گؤره ن اویونلار سئچیلدی. تیراختورچولارین حیماسه سی ایران سینیرلارین آشیب و دونیا مئدییالاریندا اؤزونه یئر آچدی، قلم لر ایشه دوشدو و آناوطنین سارسیلماز و یورولماز اوغول و قیزلاری ال لرینده ن گله نی اؤز سئودیكلری تاكیما ایتحاف ائتمه یه چالیشدیلار. بو حیماسه ده ن نه قده ر یازارساق یئنه ده اونون بؤیوكلوغون و ایچینده اولان آنلامی اوجور كی گره ك گؤستره بیلمه یه جه ییك آنجاق بو حیماسه نین نه قده ر بؤیوكلوغونا باخمایاراق ایران اؤلكه سینین هر زامانكی عنعنه سی كیمی قارانلیق سئوه نلر و ایشیق دوشمانلاری بو حیماسه نی كیچیلتمه یه و ائتكیسیز ائتمه یه چالیشدیلار و ایندی  اؤز خایال لاریندا تیراختورچولارین اوتون سؤنموش ببله ره ك اوزاقدان اونلارا باخیب گولمكده دیرلر! آمما تیراختورچولارین یاراتدیغی حیماسه لری درینده ن دوشوننلر بو سورو ایله اوزلشیرلر "بو حیماسه لر داها سونا چاتدیمی؟"

آزربایجان میللتینین تاریخ بویو مدنییت، باخیش و دوشونجه سی ایله یاخشی تانیش اولانلار بیلیرلر كی بو چالیشقان میللتین ایگیدلری هئچ زامان سس سیز قالماییب و هر زامان اؤنده گئده نلرده ن اولموشلار. آیدیندیر مین ایلده ن چوخ ایراندا سولطانلیق سوره ن تورك لرین نسیلینده ن اولان گئنج لر یئنه ده تاریخین هر زامانی كیمی اؤز گؤره ولرین یئرینه یئتیرمك ایسته ییرلر. تیراختورون سونوجلاری تیراختورچولارا اؤنملی اولسادا هئچ زامان سونوج اوچون سئودیك لری تاكیمی سئومه ییبلر و ایندی 11-جی لیگانین ایكینجی یاریسی باشلانماقدادیر و تیراختور بیر قده ر گوجون آرتیراراق یئنی مئیدانلارا آیاق قویماقدادیر و تیراختورچولار سئودیك لری تاكیمی شامپییونلوغا دوغرو آپارماق اوچون یئنه ده ایستادییوملاری دولدورماق دوشونجه سینده دیرلر. تیراختور بیر ائتئنیك تاكیم اولاراق بللیدیر شامپییونلوق تیراختورچولارا یالنیز بیر یولدور كی كیملیك چرچیوه سینده اولان ایستك لرین ایران ساهه سینده باغیرسینلار.

آینی گون (جوما گونو) چیلله آیینین 16-سی تیراختور آزربایجانین قوم شئهیرینده صبا تاكیمیندان قوناقچیلیق ائده جكدیر. كئچن ایكی ایلده قوم شئهیرینین تورك لری كی بو شئهیرین خالقینین چوخونلوغون اولوشدورورلار ایستادییومو تیراختور بایراغی ایله بزه ییب و ایندی بیر داها ایستادییومو دولدورماق و صبا تاكیمین اؤز ائوینده قوناق ائتمك ایسته ییرلر. سئویملی تیراختور اوچون اوغورلار آرزی ائدیریك...

یاشاسین تیراختور

یاشاسین آزربایجان

یاشاسین وارلیغیمیز

آرتان آرمان

www.tiraxturfans.com