طالعی خوش اینسان گلسه دونیایا
اونون گتیردیغی دوران گولرمیش
لقمان گلسه بیر خسته نین یانینا
خسته ساغالارمیش ، لقمان گولرمیش
..
هركیمین دونیادا طالعی گولسه
سینه سیندن لعل و گوهر سوزولسه
ازاد گونلرینین قدرینی بیلسه
دوران سئوینرمیش ، زامان گولرمیش
..
سن هئچ واخ دونیادا گولمه بیر كسه
نامردلر ایسته ییر باسدیغین كسه
زمانه بد گلیب مردلر بودره سه
نامردلر ال آچیب یامان گولرمیش
..
غافل اولما كؤنول خوش گونلر آرا
عشقینی وئرگینه ن دوغما دیارا
بیر اوخ دوزگون گئدیب دیسه شیكارا
صیاد سئوینرمیش كمان گولرمیش
..
حسین سن داغلارین ذیروه سیندن آش
دؤیوش مئیدانینا هنرله یاناش
كمك ائیله مه سه قارداشا قارداش
كناردان ال آچیب دوشمن گولرمیش

یئل یاتار، طوفان یاتار، یاتماز تراختور بایراقی

سسله نر میلیون نفر، قاتماز تراختور بایراقی

قیرمیزی بایراقلارین، اسسك یئنه طوفان قوپار

قلبیمیز هرآن جوشار، ساتماز تراختور بایراقی

یوردوموز اود یوردودور، یانساق یانار هر خور باخان

باتماریق باتلاقلارا، باتماز تراختور بایراقی

گئتمیشیك یوللار بویو، بوی سوزلارا بوی وئرمیشیك

بویلانار بوزقوردوموز، آتماز تراختور بایراقی

بیز اویاقلیق یوردویوق، سسله نیپ بیرده چیغیرریق

بیرگون اؤره گیمدن سوروشدوم منی یاشادان سن سن؟ او دئدی: سنی یاشادان ایندی بو اس ام اسی اوخویان دی.

.

.

آرامیزداكی مسافت نه قدر اوزاق اولسادا، هانسی یولدان كئچسن ده بوتون یوللاردا بیر سؤز اوخویاجاقسان: سنی سئویرم.

.

.

دونیانی گؤزل اولدوغو اوچون سئویرم. ایچینده سن اولدوغون اوچون سئویرم.

ائلیمیزده بیر مثل واركی، دئییر: « بیر یئرده كی یاغ ایله شورون قیمتی بیر اولسا، او یئردن قاچ ».

ایندیسه بو مثلین كؤكو باره ده ماراقلی بیر احوالات موجوددور كی، سیزه تقدیم ائدیریك.

دئییر گونلرین بیرینده اؤلكه حكمداری اؤز وزیرینی یانینا چاغیریب، اونا بئله بیر مصلحت وئریر كی، سن قوجالیب، الدن دوشوبسن، ایشه – گوجه یارامیسان، یاخشی بودور كی، مملكتی ترك ائده سن زحمتیوه گوره سنه بیر قوُل ( نوكر ) باغیشلاییرام. وزیر داها بیر سؤز دئمه ییر، بو آدامی گؤتوروب، یولا دوشور. اونلار آز گئدیر، یوز گئدیر، دره – تپه دوز گئدیر، نهایت گلیرلر بیر یئره چاتیرلار، گورورلر كی، بورادا یاغ ایله شورون قیمتی بیردیر. اونا گؤره قولا دئییر:

-         گل بوردان گئده ك، بورادا یاغ ایله شورون قیمتی بیر اولدوغونا گؤره بورادا قالماق اولماز.