بیر گؤزل شعر « شهریار » جنابلاریندان:

شاطیر اوغلان، گؤروم آللاه سنه وئرسین بركت

قوی اونون یاخشی النسین، خمیرین اللنسین

چوخ پیشیر، یاخشی پیشیر، گؤیده فیریلدات كوره­گی

منبر اوسته چؤره­گین قوی قالانیب تللنسین

تندیرون طور تكین، عرشدن آلسین ایشیقی

ارسینون بیرق احرار تكین میللنسین

سؤز وار – سؤز وار

آتالار دئمیشدیر: اوو وار داغا میندیره­ر، اوو وار داغدان اندیره­ر. سؤز وار جانا ساری یاغ كیمی یاخیلار، سرزده وار قیلینجدان پیس كسر. سرزو یئرینده مقامیندا دئمه­ك لازیمدیر. سؤزده اوو كیمی بیر شئی دیر دره­دن ارتدو دای سنین كی دئییل، بیر قپیه، بیر قیرانا دیمز.

دونیا گررموش آغ ساققاللاریمیز سرزون قدرین بیلیب­لر، قیزیل قیمتلی سؤز دانیشیبلار. سؤزلری یئرینده مقامیندا دئییب­لر. اولولاریمیزین سؤزلری سینه دن گلیب، بوغازدان یوخاری سؤز دئمه میشلر. آتالاریمیز بیر یئرده دئمیشلر كی، « سؤز وار – سؤز وار » بو خصوصدا بیر مزه لی احوالاتی چاتدیریریق قوللوغونوزا:

دئییر آغیلدان یونگول بیر كیشی وارایمیش، بو هر یئرده دانیشاندا « بارا » قویوب، هامینی اؤزونه گولدوره­رمیش. گونلرین بیرینده اونون اهل -–عیالی بیر بیلیجی شخص توتوب، بئله بیر قناعته گلیب لر كی، كیشی « بارا » قویاندا، بو كیشی اونون باراسینی یوسون و هر دفعه ده بئش قیران پول آلسین. بیر گون بیر مجلس قورولور. بارا قویان كیشی ده اوردا اولور، هامی سؤزون آغزیندا بیشیریب چیخارییر، عین حالدا بو كیشی قاییدیب دئییر كی، گونلرین بیرینده چؤلده گئدیردیم گؤردوم كوچوك ونگیلده­ییر. هامی باشلاییر گولمه یه، بارا یویان دئییر:

- بونون گولمه­یی یوخدور، یقین قوزقون كوچویو ووروب قانادینا آپاریب گؤیه، اونا گؤره ده كوچوك ونگیلده­ییبدیر. هامی گؤرور، اولان ایشدیر.

بارا یویان كیشی بو ایشینه گؤره بئش قیران آلیر. یئنه صحبت آراسی بارا قوران كیشی بیرده­ن – بیره آغزینا نه سالیر، دئییر:

بلی یئنه بیر گوجه چؤلده گئدیردیم، گؤردوم آی دوشوب یئره. مجلسده كیلر، یئنه گولمه یه باشلاییرلار. بارا یویان یئنه قاییدیب، دئییر كی:

-         بو اولا بیلر، آی دنیزه دوشوب بودا گرروب هامی گؤرور.

سؤز یئرینه اوتوردو و كیشی بئش قیراندا آلدی و بیر نئچه دقیقه كئچمه میش، بارا قویان یئنه سؤزه باشلادی و صحبت لرینین آراسیندا دئدی:

-     بیر گون چؤلده گئدیردیم، گؤردوم قانشاردان ( قاباقدان ) بیر دورنا اوچوردو. توفنگی چكیب دورنانی ووردوم. گئتدیم، گؤردوم دورنا دئییلمیش « زورنا ایمیش ».

بارا یویان آلدیغی بیر تومن پولون اوستونه بیر تومنده قویوب دئییر:

-         گل بو پولون بودا اوسته لیك، من سنین دورناوی زورنا ائله یه بیلمه­رم.

توپلایانی: سرنسرلی

دونیا ائله قرالسین كی، سنی آیدینلایان تك ایشیق، گؤزلریم اولسون.

.

.

سن منی یوخ، منیم سنی سئومه­می سئویرسن.

دیلیم یالقیز، دیلیم یالقیزدیر آی قیز

اوغول شیرین ولی قیز بالدیر آی قیز

آماندیر یه لیك دور توركون دیلیندن

او كی اصلین دانا كال قیزدیر آی قیز

بیزیم توركون دیلی گول­دن ظریف دی

بوتون دیللر دال اولسا بو الف دی

ادب ده علم ده هر بیر هنر ده

سیز آللاه تورك لره كیم حرف دی

وارلیقدا بوتون وار یوخوموز شعر و غزل دی

هر بیر غزلی اللی آرا توركه مثل دی

من جعفریم سؤز یازارام توركی دیلینده

توركون بالاسی توركو اوغلان نه گؤزلدی

دیلیم توركدی دیلیمنن باخ گوزل پاك شهرتیم واردی

جهاندان گر ســـــوال ائتسن بودیلده ن غیرتیم واردی

آنام توركون دیلیننن چوخ دانیشدی چون ازل منده ن

نهایت ایندی هریــــــاندا بو دیلده ن صحبتیم واردی

منه واجب اولوب یــــاران اولام صحبت اولان دیلنن

دانیشام یارو یولداشلــــا بــو دیلده ن نسبتیم واردی

سویا من سودئدیم هرآن سو سوزوقتینده سوایچسم

حقارت تاپمارام هر آن دیلیـــــمـــــنن ثروتیم واردی

یازالللار قبریمین اوسته هر آن ســـــــوزلر آنا دیلده

ایتیلمز قبریمین داشی بودیــــــــــلده ملتــــیم واردی

منم شاعر آنا دیلده آدیم آدلانـــــــدی شــــــــــــعریله

دولوبدور دیوانیم كامل بو دیـــــــلدن شوكتیم واردی

غلام شهریارم بیل پوتون الــــــــهام آلـــــیب دیوان

سلامیم وار بو دیواننان او یــــــاره رحمــیم واردی

بو دیلنن من غزلخوانم بو توپراقدا یاشا تـــــوركوم

عزیز اولدوم آنا دیلده بو دیلنن عصــــمتیم واردی

آدین شوطدوداداشدی باخ ندن دیلدن سوزون یوخدی

بونا خاطر قلم آلدیم یـــــــــازام تـــــــا حرمتیم واردی

ساقی گه تیر ! نه دن ؟ او مئی خوشگواردن
مئی ؟ هانسی مئی ؟ او مئی كی یوخ فرقی ناردن.
گلدی.نمه؟ باهار. گئدیبدیر. نمه ؟ قرار
جان دیر. نئجه؟ نزار.نه دن؟ هجر یاردن.
ائلردیم آرزو. هارانی ؟ طرف گلشنی
گویلوم ائدردی یاد. هاچاقدان؟ باهاردن.
چوخ - چوخ خوشوم گلیر. نمه یه؟ بولبول و گوله
چوخ - چوخ بدیم گلیر. نمه دن؟ قیش و قاردن.
مطرب! بلی ، بویور! من اولوم بیر ایاغه دور
نئدیم؟ آپار غمی. نه ایلن؟ چنگ و تاردن.
قوشلار یئنه اوخور . هارادا؟ مرغزارده
ككلیك سسی گلیر. هارادان؟ كوهساردن