+0 به یه ن
سلام لار
بولدوغوز
قدر كئچن گون آسیا فوتبال لیگینین آد چكمه مراسیمی قورولدو. بو توپلانتیدان سونرا
تیراختور تیمینین آسیادا اولان قارشی لاری بللی اولدی و تیراختوچولار آرزولارینا
داها یاخینلاشدیلار.
من
بورادا تیراختورون اویونلارنین برنامه سین و بیر گؤزل كلیپ تیراختور اوجون (جناب
مسعود امیرسپهردن) سیزلر اوچون حاضیرلامیشام.
اومورام سئوه سیز!
كلیپ ده یازینین آردیندا!
+0 به یه ن
دونن آخشام ایران اوستون فوتبال لیگی باشا چاتدی. بو لیگ ده 34 اویوندان سونرا، اصفهانین سپاهان تیمی هامیدان اوسته دوردی و آذربایجانین تیراختور تیمی ده ایكینجی اودیلار. تیراختور تیمی 66 امتیاز آلماق ایله، آسیانین شامپیونلار لیگینه یئتیشدی و گلن ایل بو یاریشمالار دا چالیشاجاق. تبریزین شهرداری تیمی ده ایرانین دسته 1 رقابتلرینه توشدی و گلن ایل تبریزین ماشین سازی و گسترش فولاد تیملری و بینابین گسترش فولاد سهند تیملری ایله دسته 1 ده اوینایاجاق.
من ده اؤز طرفمیدن بوتون تیراختورچیلارا بونی قوتلاییرام و اونلارا گونی گوندن آرتیق اوغورلار آرزیلاییرام. بو عكسی ده هامیلارا تقدیم ائدیرم. بونی اؤزوم بو لیگین سون اویونوندا سالمیشام. بتر یاپیشدی بو ایلین اویونلاری !
+0 به یه ن
تیراختور ایرانین اوستون لیگاسینا گلمه كله چوخلو بیرزادلاری دئییشدی. تئهرانین سئوگیلی قیرمیزی-ماوی تاكیملارین گؤزده ن سالاراق ایران مئدییالارینین باخیمین بوتونلوكله اؤزونه ساری چكدی. تیراختورچولار آزربایجانین قیرمیزی سیمگه سین ال لرینده دالغالاندیراراق ایرانین باشا-باشیندا اولان مئیدانلاری آیاقلارینین آلتینا آلدیلار. آنایورد دالغاسی ایرانی تیتره تدی. تیراختور میلیونلار سئودالی آرخاسیندا گؤره ره ك ایرانین ان چوخ سئویله ن تاكیمینا چئویریلدی. بو سئوگینین گؤبه یینده شوبهه سیز آزربایجانین قوتسال آدی پارلانماخدایدیر. وطن ایگیدلرینین بوغولموش دویغولاری بوتون مئیدانلاردا اؤزه للیكله «قیرمیزی قوردلار وادیسی» آدی اؤزونه آلمیش آزربایجانین «سهند» ایستادییوموندا اوجا سسله باغیریلدی. یوز مینده ن آرتیخ ایگید بوتون دویغولارییلا سس-سسه وئره ره ك « یاشاسین آزربایجان » گؤستریسی ایله ایستادییومو پاتلاتدیلار.
+0 به یه ن
لیگین رییسی، عزیزالله محمدی دئدی: احتما‌لی وار لیگین بئشینجی و آلتینجی كوماندا‌لاری AFC یاریشما‌لارینا قاتیلا‌لار. محمدی‌نین دئدیگینه گؤره، AFC او اؤلكه‌لره كی آسیانین قهرمانلار لیگینده نماینده‌لری واردی تكلیف ائدیب، AFC قهرمانلار لیگینده ده ایكی كوماندا ایشتیراك ائده بیلرلر.
محمدی داوامیندا آرتیریب: بیز بو تكلیفی قبول ائتمیشیك و اگر بو اولای اوز وئره، كئچن لیگین 5-جی و 6-جی كوماندا‌لارین AFC قهرمانلار یاریشما‌لارینا گؤندرجییك.
بو خبر اگر دوغرو اولسا تبریزین تراكتور و خوزستانین فولاد كوماندا‌لاری AFC قهرمانلار یاریشما‌لارینا گؤندریله‌جك‌لر. بو خبر اگر بو فصل اجرا اولا، تراكتور كومانداسی ایرانین ایكینجی درجه كومانداسی اولاراق، بو یاریشما‌لاردا ایشتیراك ائده‌جك.
رئپور: محمدرضا محمد حكم آبادی
قایناق: ایلا خبر آگئنتی
+0 به یه ن
دونن ایران فوتبال لیگاسیندان تبریزین تیراختور و شهرداری تیملری اوینادیلار . تیراختور تیمی تبریزده، بوشهرین شاهین تیمی ایله و شهرداری دا تهراندا پیروزی تیمی ایله اوینادیلار. بو هفته تبریز تیملرینین ایكیسی ده قارشیلارین اوددولار.
تیراختور تیمی « محمد حسن ابراهیمی » ووران قولونان و شهرداری تیمی « میثم بائو » و « ووریا غفوری » ووران قوللارینان اوددی . تیراختور بو اویوندان سونرا هله لیك ده جدول ده بیر دی و شهرداری دا 3 دی . بو تیملر 5 شنبه گونو زومار آیینین 3-نده بیر بیری ایله تبریزده اوینایاجاقلار . بو اویون گئجه ساهات 10 دا اولاجاق !
یاشاسین بوتون آذربایجان تیملری
آذربایجان تیملری ، فرق ائله مز رنگلری !
+0 به یه ن
سالاملار ، نئچه گون اولمادیغیما گؤره ، منی باغیشلایین . بورادا قویان گؤزل باخیش لاریزدان فایدالاندیم . ساغ اولاسیز . حتما بولورسوز بو نئچه گونده تیراختور تیمینه بیر یاخشی یؤنه تچی ( مربی ) گلیب ، یاخشی اویونچولار بو تیمه آرتیریلیب و چوخلی دئییشیكلر اولوب بو تیمده . تیراختور یاتلارینین بیرینده بو گؤزل یازینی گؤردوم ، ایسته دیم قویام وبلاقیما ، فعلا بونو اوخویون و بو بالاجا قیزین گؤزل عكسینی گؤرون ، سورا گوراق نه اولور !
یاواش یاواش تیراختورون سوروملولاری یؤنه‌تیجی(مربی) و یاخشی اویونچولاری گتیرمك‌ده اؤزلریندن عجیبه غریبه چیخار گؤستریب بیزیم خیالیمیزی راحات ائدیرلر. تاخیمین كئیفیتی یاخشی اولسا یانداش‌دا ایستادیوما گلیب آلقیشلاماق ایچین داها ماراقلی اولار و اؤز گؤره‌وین ایسه اونوتماز. البته سوروملولار بیر باشقا چیخاری‌دا اؤزلریندن گؤسترمه‌لی‌دیر. اؤز فیكیرلرین بئله وئریبلر اویونچو سئچمه‌یه‌كی تیراختورون تبریزده ایلك اوچ اویوندا تاماشاچی‌نین محروم اولماغی‌نی اونودوبلار. بیر اعتراض مكتوبونو یازماغا نه وار كی!؟
اویونلار بیر آی‌دیر قورتاریب و ساغلیقلا(!)، گلن فصل ده اوچ اویوندان محروم اولموشوق. بونا گؤره ده سهند ایستادیوموندان، بو گؤرونتویه تای باخمالی گؤرونتولر هله - هله یاییلمایاجاق. تانری بئله یانداشلاری تیراختور و آزربایجان ایچین ساخلاسین:
ی.س:
بو خانیم قیزین گؤرونتوسو، منی یولداشلارین دئدیگی بیری خاطیره‌سی‌نین یادینا سالدی. او دئییردی كی:
بیلدیر تصادوفی اولاراق ایستیقلال كلوبونون تورك باشقانی، حاجی فتوللازاده‌نی بیر یئر ده گؤردوم. اونا دئدیم:
"بو قدر استقلالا-زادا یئتیشیرسیز، بیر آز دا تیراختور فیكرینده اولون دا".
آما حاجی‌دا جاواب وئردی:
"ایستیقلال-پیروزی‌نین فرقلری وار. بونلار مردمی تاخیملاردیلار آخی."!
اولابیلر حاجی فتوللانین باخیشیندا ایسه، بو بالاجا تاماشاچی‌یا تای اون‌مینلر اوشاق، یوخسا دلی قانلی، گنج و قوجا تیراختور یانداشی، خالق ایچین‌دن چیخماییبلار؛ و آزادی ایستادیوموندا تیراختورچولارا قوناق اولان زورناچی‌لار، "مردم" آراسیندان قاینامیشلار!
آیدین كسائی
www.tiraxtorfans.com
+0 به یه ن
آذربایجانین دوچرخه سواری تورو آغلار – گولر آیینین 23 – دن ، 28 – نه قدر دوغو و باتی آذربایجان و اردبیل استانلاریندا كئچیریله جك . كئچن آی تورون بینؤره سین قویان « اكبر گهرخانی » جنابلاری دونیاسینی دئییشدی و بو ایل بو تور بو كیشینی داها گؤرمه یه جك . بو توردا 15 خارجی تیم و 6 ایرانلی تیم آیاق ویراجاقلار . بو تیملردن توركیه نین " برسیا اسپور " و " شكر اسپور تیملری ایتالیانین " MICHE – GUERCIOTTI " و " AMORE & VITA " تیملری و استرالیا ، گونئی آفریقا ، ژاپن ، مالزی ، قزاقستان ، بئلژیك ، آلمان و هنگ كنگ ایله سوییس دن بیرلشمیش تیملر واردیلار . بیرده اوزبكستان و قزاقیستانین میللی تیملری ده واردیلار .
همی ده تبریزین " پتروشیمی " و " سورن " تیملری ، اردبیلین " پانا " تیمی ، اورمونون " جوانان خیر " تیمی ، كرمانین " ولی عصر " تیمی و " دانشگاه آزاد " تیملری ده ایراندان بو تور دا واردیلار .
+0 به یه ن
ایندی بیر ایلده چكدیگی زحمتی هئچ اولان اكینچی نین دویغوسوندایام !
بوگون بیر ایللیك زحمتیمیز هئچه گئتدی . تیراختور آسیادان قالدی ! بولورم گینه آسیا اویونلارینا چاتماقا اومود وار ، آمما دیله ییرم گئتمیاق آسیایا !
گئداق آسیادا " مسعود ابراهیم زاده " بوش قولی وورسون ائشییه ؟
گئداق آسیادا " علی علیزاده " هرنه توپ یئتیشیر ، وئرسین رقیبه ؟
گئداق آسیا دا " محمد نصرتی " بارا وئرسین ؟
گئداق آسیا دا " فراز كمالوند " اؤز یانلیش لاری ایله اویونو اودوزماقا باعیث اولسون ؟
گئداق آسیا دا " كرار جاسم محمد " – ین ییخیلیب پئنالتی آلماسینا اومود باغلیاق ؟
گئداق آسیادا 100 مین نفر تاماشاچی گلسین استادیوما ، آمما تكجه 500 نفری تیراختوری آلقیشلاسین ؟
گئداق آسیا دا اودوزاق ، تاماشیچیلار صندل لری سیندیرسینلار ؟
گئداق آسیا دا اویوندان چیخاندان سونرا ، " یگان ویژه " داشینان میللتی وورسون ؟
هئچ ایسته میرم گئداق !
آسیا من گلمیرم !
هادی سن ساغ ، من سلامت !