قیزی سئومیشدی! اونون هر زادیندان خوشی گلیردی ، قیافه سیندن، باخیشیندان، رفتاریندان، فیكریندن ...

اولار بیر كیلاسدا اولوردولار. بیر ترم اوندا گؤز قویموشدی، قیز ائله بو ایستین ایدی. هئچ كیمه ده سؤزون دئیه بیلمیردی. قیزین اؤزونه ده بیر شئی دئمه میشدی. قورخوردو ! « گئدیم قیزا نه دئییم؟! دئییم سنی ایستیرم؟ دئمز نیین وار؟ دئمز نه ایش گؤررسن؟ دئییم ساده جه بیر اؤیرنجییه م؟ دئییم ایستیرم ائلچی گلم سنه؟ آتاسی سوروشماز دونیادان نه واریندی؟ بونلارین جوابیندا نه دئییم؟» اؤز اؤزونه بولارا فیكیرله شیردی. او هله درسین قورتارمامیشدی، هله ایش تاپاممامیشدی ! نئیله مه لی ایدی؟ نه جور سؤزون دئمه لی ایدی؟

ترم قوتولموشدی. بوگون سون كیلاس ایدی. گؤره سن گلن ترم ده او قیزینان بیر كیلاسدا اولاجاق می؟ گؤره سن سؤزون اونا دئیه بیله جك می؟ نئینه سین؟

تبریزلی احمد

دونن ایران فوتبال لیگاسیندان تبریزین تیراختور و شهرداری تیملری اوینادیلار . تیراختور تیمی تبریزده، بوشهرین شاهین تیمی ایله و شهرداری دا تهراندا پیروزی تیمی ایله اوینادیلار. بو هفته تبریز تیملرینین ایكیسی ده قارشیلارین اوددولار.

تیراختور تیمی « محمد حسن ابراهیمی » ووران قولونان و شهرداری تیمی « میثم بائو » و « ووریا غفوری » ووران قوللارینان اوددی . تیراختور بو اویوندان سونرا هله لیك ده جدول ده بیر دی و شهرداری دا 3 دی . بو تیملر 5 شنبه گونو زومار آیینین 3-نده بیر بیری ایله تبریزده اوینایاجاقلار . بو اویون گئجه ساهات 10 دا اولاجاق !

یاشاسین بوتون آذربایجان تیملری

آذربایجان تیملری ، فرق ائله مز رنگلری !

سلام لار اولسون عزیز اوخوجولارا !

اول ده نئچه گون اولمادیغیما گؤره من باغیشلامالیسیز ! باشیم بتر قاریشمیشدی !

بیلمیرم نئچه نفرین یادینا گلیر ، یا نئچه نفر بیلیر بو وئبلاگین ایلك یازیسی نه ایدی !

بیر ایل بوندان قاباق ، مرداد آیینین 11-نده من بو وئبلاگی یولا سالدیم . اوندا آرزوبلاگ سروری ده بو گونلره تای گوجلو دییردی ! من بیر اتفاق اوسته آرزوبلاگینان تانیش اولدوم ، اونون توركجه اولماسینا گؤره بیر وئبلاگ آچدیم اوردا ! اوندا منیم بیر باشقا بلاگیم دا وار ایدی ! اوبیرسی بلاگیم فیلتر اولاندان سونرا ، بورادا آرتیق یازماقا باشلادیم ، بورانین اوبیرسی بلاگ لارینان فرقی اوندا اولدی كی ، چالیشدیم بوردا یالنیز توركجه یازام ( حال بو كی اوبیرسی لرده فارسجا دا یازیردیم !). بو یولدا نئچه یولداش منی آلقیشلادیار ، نئچه نفرلر یولوما داش آتدیلار و چوخلاری دانلادیلار منی . آمما من یولما ایمانیم وار ایدی و اونون آردین توتدوم !

بو بیر ایل ده 160 یازی یازمیشام بوردا ( هامیسین اؤزومدن یازمامیشام هااا ! ) تقریباً اولور ایكی گوندن بیر یازی ! چالیشمیشام بو یازیلار چئشیدلی بؤلوم لرده اولسون و اوخوجولاری دردینه دیسین ! بو بلاگین یولوندا نئچه یئنی یولداش تاپمیشام و چوخلو بیلگی لر اله گتیرمیشم ! بو یولداشلامین هامیسین دان دا تشكر ائلیرم !

ایندی سیزدن ایسته ییرم منیم بو یولدا گئتماقیما بلدچی اولاسیز و منی بو یولدا یالنیز بوراخمایاسیز ! ایسته ییرم گؤروش لریزینن منه اؤیرده سیز !

سیزی سئویرم

یاشاسین آذربایجان ، یاشاسین منیم دیلیم

احمد تبریزلی

GünAz TV: İran Mərkəzi Bankının yaydığı xəbərə əsasən, yeni pul vahidi üçün nəzərdə tutulan adların içində “Parsi”də var.

“Parsi” adının olması farsdillilər tərəfindən dəstəklənsədə, İranda yaşayan başqa millətlər tərəfindən etirazla qarşılanıb.

Fars millətçiləri həmən “Parsi” adını yeni pul vahidi kimi seçilməsini dəstəkləyib və kütləvi informasiya vasitələrində onu təbliğ etdilər. Onlar hamını internmetde keçirilən rəy sorğu saytına qatılıb və “Parsi” adının seçilməsinə səs verməyə çağırdılar.

Məhz bundan sonra Azərbaycanın milli saytları fəaliyyətə keçib və “Tümən” adını təbliğ etməyə başladılar. Onlar soydaşlarımızdan istədilər ki, sözü gedən rəy sorğu saytına üzv olub və “Tümən”i dəstəkləsinlər.

Artıq qısa müddətdə “Tümən” “Parsi”ni üstələyib. İnternet rəy sorğusunun nəticəsinə görə, Dünənə qədər iştirakçıların 43 faizi “Tümən”i 42 faizi isə “Parsi”ni seçiblər.

داواخانادا سیرا منه چاتیردی كی قاپی آچیلیب مشه صمد ایچه ری گیریب سالام وئردی. بیزیمله قونشو اولدوغوموزا گؤره یاخینلاشیب منله گؤروشدو. اونون چوخ گربود اللری وار ایدی. یادیما گلندن بیر آمریكایی بوز كاپشنی وار ایدی كی هاوالارین سویوق واتی اونو گئییردی. اونون آلتینداكی یون كؤینك ده كی یای با قیش اینینده اولاردی. باشینداكی پاپاقدان او قدر ایش چكمیشدی قارا رنگلی پاپاق ماوی رنگه چئوریلمیشدی. آلتینا اوچ دؤرد كره پنجه دابان سالدیردیغی قوندارالار خیابان قیراغیندا كؤهنه باشماق ساتانین الیندن قورتولاندان واكس اوزونه حسرت قالمیشدیلار. مشه صمدین شالواری دالی قاباقدان گؤزلرین آغاردیردی آمما صمدین اونو دییشمه یه هئچ قصدی یوخودو.