+0 به یه ن
بولدوغوز قدر بو
گون آذر آیینین 26 سی، آذربایجان-دا توركجه كیتابلارین پهلوی رئژیمینین الی ایله
یاندیریلماسینین ایل دؤنومودور. من هر ایل بو گون ده بیر كیتاب اوخوجولار اوچون
حاضیرلایارام و باشاردیغیم قدر اونو یولداشلاریملا پایلاشارام. سیزدن ده ایستیرم
بو گونده یولداشلاریز اچون بیر توركجه كیتاب سونو وئرین.
بو كیتابین آدی "آتا بابا سؤزلری"-دی و "شهریار رهنمایان" و "وحید گروسلی" جنابلارینین چالیشماسی ایله بیر یئره ییغیلیب.
اومورام بو اؤنملی كیتابدان فایدالاناسیز!
+0 به یه ن
...، هر شئی بیردن بیره اولدو. كیم آغادا بیدن بیره اریییب قورتولدو. اؤزوده دور قیشن پوفه -پوفونده.
...، یئددی مرتبهلی بینانین سكگیزینجی مرتبهسینده ساعاتین زنگی چالیندی. كیم آغا یوخودان خورتلادی. تر-تلهسیك گئییندی. چانتاسی چیینینده ائودن چیخدی ...
...،آددیم لارینی ایری گؤتوردو. باشی آشاغای دایانمادان گئدیردی. ایشه یوبانمیشدی. قولونداكی ساعاتینا باخی. یاتمیشدی. عقربه لرین اوچوده بیر-بیری نین اوسته شئت دوشموشدو ... بیر ایك دؤنه ساعاتین اوستونه چالدی. ساعات دان سس چیخمادی ...
یانیندان كئچن لرین بیریندن ساعاتی سوروشدو ... جاواب ائشیتمه دی. داها دوغروسو ائشیدیلمه دی. بیر داها باشقاسیندان سوروشدو. او دا بایاق كینا تای ائشیتمه دی ...
تهران شرق اسلامی آزاد بیلیم یوردونون اؤیرنجی سل درگی سی
"چیراغ" دان
واله شیری
+0 به یه ن
سلام لار
بولدوغوز
قدر كئچن گون آسیا فوتبال لیگینین آد چكمه مراسیمی قورولدو. بو توپلانتیدان سونرا
تیراختور تیمینین آسیادا اولان قارشی لاری بللی اولدی و تیراختوچولار آرزولارینا
داها یاخینلاشدیلار.
من
بورادا تیراختورون اویونلارنین برنامه سین و بیر گؤزل كلیپ تیراختور اوجون (جناب
مسعود امیرسپهردن) سیزلر اوچون حاضیرلامیشام.
اومورام سئوه سیز!
كلیپ ده یازینین آردیندا!
+0 به یه ن
سلام لار
نئجه وقت بلاگیما یئنی یازی آرتیرا بیلمه دیم، تزهلیكده اوخوجولارین بیری بیر یازی یوللادی بیلهمه كی ایسته دیم اونو بورادا یازام! بو یازیا گؤره باخیشلاری گؤزلورم.
الهام خانیم نان دا بو یازی نی یوللاماق اوچون تشكر ائلیرم!
گلین یاددا ساخلییاق كی گؤزل یاشییاق و گؤزل یاشاتدیراق!
گلین اورهگیمیزی بؤیوك و صبریمیزی آرتیراق ; نیه كی بؤیوك اینسانلار تئز باغیشلاییب و گئج داشارلار!
گلین یاخجی فیكریمیز اولسون، نه یاخجی گؤروشوموز!
گلین یاددا ساخلییاق كی بویونكی گون دونهنین ساباغی، پس گونلریمیزی ساباق دئماقدان هئچه وئرمییاق!
گلین یاددا ساخلییاق كی گولومسهماق گولدورماقدان اؤنملیدی!
و گلین بولاقكی تانرینین یاراتدیقی هر یئر بیزه آیید دی , بیر بالاجا نایلون كیفیمیزده چوخلی یئر توتماز آمما
چوخلی ائشیگه توكدوغوموز مواددی توتوپ و چوخلی آلوده لیغین قاباغین آلار!
+0 به یه ن
نئچه گون آذربایجانین اوره گی تیتره دی!
نئچه گون اؤنجه، آذربایجان ماهالینین بویوك بیر بؤلومونده تپرم (زلزله) اولدی. قاراداغ دا ائولرین برك اولماماسینا گؤره، بو تپرم ده ائولرین چوخو ییخیلدی و یوردداشلاریمیزدان چوخلاری دونیالارین دئییشدیلر. آذربایجان میللتی (هم ده بیر آز ایران میللتی) قاراداغداكی یاسلی جماعته یاردیم ائتدیلر و اونلارییالنیز بوراخمادیلار. هر كس الیندن گلنی بو اولایین یارالیلارینا ائیله دی و اونلارا یاردیم ائتدی. بو گونلرده آذربایجان میللتی اؤز بیرلیكین هامیلارا گؤرستدی و «یاشاسین آذربایجان» سؤزونو بیر داها اوجادان سسلندیردی!
یاشاسین آذربایجان
یاشاسین اهر، هریس، ورزقان
+0 به یه ن
نئچه گون اؤنجه، دولانماق اوچون اورمو شهرینه ساری گئتدیق. ماشیندا یورقون اولاراق یاتمیشدیم، بیردن گؤردوم گؤزلریم آجیشیر. آییلدیم گؤردوم اورمو گؤلونون كؤرپوسونون (بیر نفر دئییردی كؤرپو یوخ، سد) اوستونده گئدیریق. گؤزلریمین آجیشماسی قدیملری منیم یادیما سالدی. نئچه ایل قاباق گئدردیق شربخانا دا سودا چیمردیق. اوندا گؤزوموزه سو گئدنده، ائله بوجور آجیشاردی. ائله بوجور فیكره دالمیشدیم، بیردن كیچیك باجی اوغلوم یادیما توشدی.
اؤز اؤزومه فیكیرلشیردیم او بیر گون بؤیوك بیر بی اولاجاق. اوندا من اونا بئله تعریف ائله یه جاغام:
« هن اوغول، بورا بیر زامان بیر گؤزل گؤل ایدی. بیز بورادا چیمردیق و بیرلیقدا گونلر كئچیردردیق».
آمما بیردن فیكریمه یئتیشدی محمد (باجی اوغلوم) بیر گون سوروشسا «دایی بورا نه اوچون قورودی؟»
من نه دئییم؟؟
گؤره سن «محمد» و اونا اوخشار اوشاقلار بیزی باغیشلایاجاقلار؟
+0 به یه ن
بو گون ایستهییرم بیر گوجلو و دویغولو شعر سیزلر اوچون یازام. بو شعر «معجز شبستری» جنابلاریندان دی و «ضیافت و فلاكت» آدلانیب. اوخیوب، باخیشلاریزی منه یازین!
اوخوردی مرثیه خوان من باخیردیم حیرتله
ووروردی باشه جماعت كمال شدتیله
رفیق قووزادی باشین دئدی: اییل آشاغا
دئدیم: نیه؟ دئدی: همرنگ اول جماعتیله
روا دگیل باخاسان خارجی كیمی خلقه
گرك ملول اولاسان سن ده بو مصیبتله
+0 به یه ن
دیوارین دیبینده، بیر یاریم داییره جیزیق چكرلر. مئیدانین او باشیندا دا دیوار دیبینده بئلنچی جیزق جیزارلار.
اویونچولار ایكی بؤلونر. جیزیقا گیرن دسته بلیرله نر و جیزیغا گیرر. ایكینجی دستهنین بیر اویونچوسو الینه بیر بالاجا رئزین توپ آلار و جیزیقدان آرالی ائشیكده دایانار. ایكینجی دسته نین قالان اویونچولاری مئیدانا سپیلرلر. جیزیقداكیلارین بیری، اؤزونو قاچماغا حاضیرلایار. الینده توپ اولان ائشیكدهكی اویونچویا دئیر: بوی وئر! او اویونچو الیندهكی توپو گؤیه آتار. توپ عووجا (عوج) یئتیشنده، بیرینجی اویونچو توپون یئره قاییداجاق سوره سینی (مودّتینی) قاچیب الدن چیخماغینا اویغون گؤرمزسه، دئیر: اوجا آت! بوی وئر!