اؤزگه سینه قویو قازان اؤزو دوشر

+0 به یه ن

بئله روایتائدیرلر ، قدیم اوزاق بیر كند ده بیر آنا ایله اوغول بیرلیكده یاشاییرمیشلار . اونلارین دونیا مالیندان هئچ زادلاری یوخ ایمیش . آری اؤلن گوندن بری آرواد ، اوغلونون لازیم اولان احتیاج لارینی تأمین ائتمك اوچون آغیر زحمتلره دؤزوب ، الیندن گلنی اسیر گه میردی . مثلاَ قونشولارین ، قویونلارین ساغیب ، پالتارلارین یوماقلا باشلارینی دولاندیریردی .

گونلر گئچیر ، آی دولانیر . كیچیك احمد عمللی – باشلی بؤیویوب ، جاوان بیر اوغلان اولوب . آرواد دئییر : ای اوغول ایندی منیم قوجالیق و سنین ده ایشله مه لی وقتیندیر . اولماسا بیر ایش فیكرینده اول ، بلكه یاشاییشیمیزی دولاندیرا بیلك . اوغلان آناسی نین سؤزون راضی لیق وئریب ، سحر ایش دالینجا شهره گئده جگم – دئییر .



آرديني اوخو

آذربایجان تقویمی

+0 به یه ن

آذربایجان تاریخینده باش وئریشلرین چوخی بیزیم تقویم لرده یازیلمیییب . بونلاردان اولان ، بویوك آدام لارین دوغوم گونلری و دونیالارین دئییشماق گونلری ، بویوك فولكولوریك گونلریمیز ، همی ده آذربایجان میللتینه باغلی اولان گونلردن دی . بو یازی دا بیر تقویم سیزین اوچون قویموشام ، اونو دانلود ائلییین ، اوندان آذربایجان میللتین اؤنملی گونلرین اؤرگه نین . نظرلریزی گؤزلیرم !

دانلود




آچار سؤزلر : آذربایجان,

آد قویما دب لری

+0 به یه ن

هر بیر اینسان چیخارینا گؤره اؤزونه یاراشان آد قازاناردی ،بئله لیكله گؤرونور كی هر كیمین آدی اونون شخصیتین گؤرسدن دیر . تورك لر ایلك هم ده قارشیلیق سیز ایسلام دینینی قبول ائدنلردن اولدوقلاری اوچون بوتون اؤز عادت - عنعنه لرینه ایسلامی اینانجلارا قاتاراق اونلاری یاشاتمیشلار .

هر میللتین وارلیغی ، تاریخی ، عادت - عنعنه لرینی یالنیز آدلارلا تانیماق اولا بیلر . بونلاردا آد قونوسو اجتماعی ، سیاسی یاشاییشادا اولاركن اؤز اؤنمینی ادبیات ، مدنیت باشقا ساحه لرده قورویوب ساخلاییر.



آرديني اوخو

تبریزیم - جاوید تبریزلی

+0 به یه ن

جاوید تبریزلی دن اولان تبریزیم ماهنی سین بو یازی اوچون سئچمیشم . بو ماهنی گؤزل ماهنی لاردان دی ، اسكی ایل لرده اوخونوب (2005) . حتما بو ماهنی نی دانلود ائلیییب گولاق آسین . گؤزل و دویغولو ماهنی دی .

                

                                     دانلود




اوستاد یالقیزین اؤلومی

+0 به یه ن

تبریز سسی : " یالقیز " تخلص لی اوستاد مجید صباغ ، آزربایجانین تانینمیش طنز شاعیری اوزون مدت  "بؤیرك " خسته لیگی چكدیكدن سونرا ، دوز گونو (دوشنبه ) 4 / بهمن / 1389 تبریزده حیاتا وداع ائتدی .

آزربایجان میلّتینی طنز شعرلری ایله گولومسوندوره رك اونلارین آجی – آغریلارینی طنز ایچینده بیان ائدن شاعیرین جنازه سی ، تك گونو (سه شنبه ) 5 /11/ 89 آزربایجان و تبریزین شاعیرلر ، یازیچیلار و ادب سئورلری نین اشتراكی ایله تشییع اولدوقدان سونرا  تبریزین وادی رحمت مزارلیغیندا تورپاغا تاپشیریلدی !

اوستاد "یالقیز " 1316 هجری گونش ایلی  و 1937 میلادی ایلینده تبریزین " چای كنار " محله سینده دونیایا گوز آچدی و 73 ایل دگرلی عؤمورو زامانیندا اؤزوندن اوچ كیتاب " جیغان-ویغان " ، "چیغیر-باغیر " ،" چال ها چال" ادیندا طنز اثری یادگار قویدو .

 

اوستاد یالقیز  1383 – جو ایلدن تبریزین "عصر آزادی " نشریه سی نین "سؤز آلان سؤز ساتیرام "

طنز بؤلومو نده ده شعرلرینی ارائه ائدیردی ، اونون شعرلریندن بیر اؤرنك :

 

 اؤلوباز بیر دلی خلقیك بیزه بو ارث‌دی باشدان

كئچه‌ریك بیر اؤلودن خاطیره مینلر دیری باشدان

اؤلو حقینده قوشوب، یازدیغیمیز نوحه، مراثی

دیری‌لر سهل‌دی قان یاش چیخارار قاپ قارا داشدان

اؤلونون آردیجا احسان وئره‌ریك یاغ- دوگو تای- تای

دیری اؤلمكده آجیندان پایی یوخ بیر كاسا آش‌دان ... !

 

اوستاد یالقیز ، جسمی باخیمدان آرتیق بیزیم ایچیمیزده اولماسادا اونون اؤز میلّتینه سئوگیسی  و دوغما دیلیمیزده یازدیغی  طنز اثرلری اونو ابدی اولاراق آزربایجان میلّتی خاطیرینده ساخلایاجاقدیر !

روحو شاد اولسون .




گؤی مسجید

+0 به یه ن

بو یازی دا نئچه شكیل تبریزین گؤی مسجیدیندن قویورام . بو عكس لرده بیلگی سایاردان هئچ یاردیم آلینماییب . ایكینجی و اوچونجی شكیل لری ده اؤزوم سالمیشام .



آرديني اوخو

تیراختور دایانما؛ گؤزلر یولوندا

+0 به یه ن

آندرانیك تئیموریان‌دان نئچه ایل خبر یوخ ایدی. او گلیب تیراختورون باشاریلاریندا پایلی اولماقلا، اؤز آدینی بیر داها دیللره سالدی. ایندی ائله پئرفورمانس گؤستریر كی آسیا یاریشلاریندا بیر اویوندا دونیالیق سطح‌ده قاچابیلیر، و باشقا اویون‌دا دا یاریش كیشی‌سی (Man of the match) سئچیلیر.

 اونون یانیندا محمد نصرتی‌ده بئله‌دیر و ایرانین ان یاخشی اویونچولارین‌ساییلیر. ایران دؤردونجو اویون‌دا، موشخص بیر استراتژی و یئیینلیك ایله اوینایان گونئی كوره (كره جنوبی) قارشی‌سیندا، بیر ایش باشارماییب  و یئنیلدی. منجه آدینی چكدیگیمیز ایكی اویونچو، یانی آندرانیك و نصرتی، مورببی‌نین تاكتیك‌سیزلیگی ایچینده باتلاغا گیردیلر.

Traxtorchi.ir



آرديني اوخو

آچار سؤزلر : تیراختور,

بدن عضولری

+0 به یه ن

بدن عضولرینین توركی آدلارین سیزین اوچون بوردا ییغمیشام . یاخچی اولار اونلاری اؤرگه شاق و ایشله داق .

من بو یازیلاری ( لغات لهجه تبریز ) كیتابیندان یازمیشام . آما بیر عزیز یولداش نئچه اؤنر وئردیلر بو یازلارا گؤره ، دئدیم بورادا اولاری دا یازیم ، سیزین ده نظریزی بولوم . بویوروبلار « آن » عوضینه یازام « آلن » ، « امجك » یئرینه یازام « دؤش » ( البته دؤش گیله سین امجك نظرده آلماق اولار ) ، و سون دا دا بویوروبلار « سورات » یئرینه یازاق « یاناق » . بیلمیرم بولار نه قدر دوز اولا بیلر لر .

سونوندا « حسن » قارداشیما میننت دارام بلاگیمی اوخویوب یالنیش لاریمی منه دئماقدان اؤترو .

Baş

Head

Tük . Saş

Hair

Ann

Forehead

Qaş

Eyebrow

Göz

Eye

Göz Yaşı

Tears

Gulax

Ear

 



آرديني اوخو


radyo dinle