دیلیم توركدی دیلیمنن باخ گوزل پاك شهرتیم واردی

جهاندان گر ســـــوال ائتسن بودیلده ن غیرتیم واردی

آنام توركون دیلیننن چوخ دانیشدی چون ازل منده ن

نهایت ایندی هریــــــاندا بو دیلده ن صحبتیم واردی

منه واجب اولوب یــــاران اولام صحبت اولان دیلنن

دانیشام یارو یولداشلــــا بــو دیلده ن نسبتیم واردی

سویا من سودئدیم هرآن سو سوزوقتینده سوایچسم

حقارت تاپمارام هر آن دیلیـــــمـــــنن ثروتیم واردی

یازالللار قبریمین اوسته هر آن ســـــــوزلر آنا دیلده

ایتیلمز قبریمین داشی بودیــــــــــلده ملتــــیم واردی

منم شاعر آنا دیلده آدیم آدلانـــــــدی شــــــــــــعریله

دولوبدور دیوانیم كامل بو دیـــــــلدن شوكتیم واردی

غلام شهریارم بیل پوتون الــــــــهام آلـــــیب دیوان

سلامیم وار بو دیواننان او یــــــاره رحمــیم واردی

بو دیلنن من غزلخوانم بو توپراقدا یاشا تـــــوركوم

عزیز اولدوم آنا دیلده بو دیلنن عصــــمتیم واردی

آدین شوطدوداداشدی باخ ندن دیلدن سوزون یوخدی

بونا خاطر قلم آلدیم یـــــــــازام تـــــــا حرمتیم واردی

ساقی گه تیر ! نه دن ؟ او مئی خوشگواردن
مئی ؟ هانسی مئی ؟ او مئی كی یوخ فرقی ناردن.
گلدی.نمه؟ باهار. گئدیبدیر. نمه ؟ قرار
جان دیر. نئجه؟ نزار.نه دن؟ هجر یاردن.
ائلردیم آرزو. هارانی ؟ طرف گلشنی
گویلوم ائدردی یاد. هاچاقدان؟ باهاردن.
چوخ - چوخ خوشوم گلیر. نمه یه؟ بولبول و گوله
چوخ - چوخ بدیم گلیر. نمه دن؟ قیش و قاردن.
مطرب! بلی ، بویور! من اولوم بیر ایاغه دور
نئدیم؟ آپار غمی. نه ایلن؟ چنگ و تاردن.
قوشلار یئنه اوخور . هارادا؟ مرغزارده
ككلیك سسی گلیر. هارادان؟ كوهساردن

بوگون ایرانین برتر فوتبال لیگینده تبریزین تیم لری اوینادیلار.

تراختور تیمی تبریزده تهرانین نفت تیمینن اوینادی و شهرداری تیمی ده كرج ده سایپا تیمینه قوناقیدی.

تبریزده 30 مینه یاخین تاماشی چی واریدی. بو تاماشاچیلار تراختور تیمین، توركیه نین بشیكتاش تیمینین تاماشاچیلارینا تای تشویق ائدیردیلر. بو اویوندا تراختور تیمی 23- مونجی دیقه ده كرار جاسم محمد ویران گولونان قاباغا توشدی ( پنالتی ). 45 – مینجی دیقه ده علی علیزاده بیر آیری گول ووردی. ایكینجی نیمه ده بیر آیری پنالتی توشدی كی اونو دا پیمئنتا ووردی آمما نفت تیمینین گولری توتدی. بوننان نئچه دیقه سورا و 73 – مونجی دیقه ده رسول خطیبی تراختورون اوچونجی گولونو ووردی. 86 – مینجی دیقه ده تراختور بیر گول یئدی. بو اویون 3-1 گوتولدی.

آمما شهرداری تیمی كرج ده 200 نفر تورك تاماشاچی نین حیمایتی ایله سایپا تیمینی اوتدی. بو اویونون تكجه گولینی میثم بائو، 70 – مینجی دیقه ده ووردی.

بو هفته دن سونرا تراختور تیمی جدولده 6 و شهرداری تیمی ده 17 اولدیلار.

محمدرضا خیری فام

     آذربایجانلی  قادینلار  بوتون  تاریخیمیزده   اولدوغو  كیمی  مشروطه  دؤنمینده ده  اؤزگور و  باغیمسیز یاشاماق اوچون دؤولت و ایشغالچی روسلارا قارشی ساواشیردیلار.

     چاغداش تاریخیمیزین صحیفه لرینی ورقله ییب باخدیقدا نئچه- نئچه قادینین ایزی گؤرونور. بو یازیدا چاغداش تاریخیمیزه ایز بوراخان ایگید قادینلاردان دانیشاجاغیق.

     یاخین كئچمیشده،  ناصر الدین شاه دؤنمینده اولان تنبكی ( تانباكی) نهضتینده قادینلارین میتینقلره قاتیلیب یاراقلی- یاساقلی دوشمنه قارشی ساواشدیقلارینی بلگه لردن اؤیرنیریك. توتون- تنبكی یا همن رئژ جریانیندا تبریزلی لر تپكی ( عكس العمل ) اولاراق بازاری باغلاییرلار. نئچه گون اوندان سونرا دؤولت بو اعتراضلارا سون قویماق اوچون بازاری آچدیریر. بیر- ایكی ساعات كئچمه دن نئچه یاراقلی قادین بازارا گلیب زورلا یئنی دن بازاری باغلاتدیریرلار. بونلارین باشچیسی اونباشی زینب و بیبی شاه زینب كیمی تاخما آدلاری اولان زینب پاشا ایدی. نهایت كوتلوی چابالارین سونوجوندا شاه گئری اوتورماق زوروندا قالیر.

بختیار عاشیق اودور كی،اونو جانانی سئویر

بینوا بولبولونو، اوز گولئ- خندانی سئویر

من او زولفون آزی یوز دفعه بلاسین چكدیم

دلی كؤنلوم یئنه او زولفی – پریشانی سئویر

اعتیبار اولماز اوزون گوسترن عاشیق لرده

احسن او عاشقه جانانینی پنهانی سئویر

عصری حاضیر كئ – گوزلیكلری گورمور زاهید

ایندی ده جهلینی گور – روضه یئ رضوانی سئویر

سئویرم من او نزاكتلی گوزل دیلبری كی

موسیقی علمینی ، رسامی ، غزلخوانی سئویر

پیر كؤنلوم گلییر ایلهامه گورركن هردن

بیر نجابتلی گؤزل قیز گؤزل اوغلانی سئویر

واحیدین او چولوغو اولسادا اینصافی دا وار