لاكین اوشاقلاریمیزین آنادیلده درس اوخوما آرزوسو هله ده اوركلرده

دوگونله نیب   قالیبدیر !    ۷۰ میلیون نفوسو اولان ایران  اؤلكه سینده  ۳۰ میلیوندان

چوخ جمعیتی اولان تورك میلّتی نین مكتبلرده  آنا دیلینده  درس اوخوما حاقّی

اولماماسینا  دونیادا اینانان  اولارمی ؟ !   ایرانین قونشوسو اولان عراق و حتی افغانستان كیمی دونیانین ان دالی قالمیش اؤلكه سینده ، اؤلكه نین باشاباشیندا ایكی سرتاسری رسمی دیلین ، و ولایتلرده محلی دیللرین مكتبلرده تدریسی قبول اولوب و اجرا اولور ،

لاكین دونیانین ان دموكرات اؤلكه سی ادعاسینی داشیان  اؤلكه ده ۳۰ میلیون تورك دیللی انسان بو ابتدایی مدنی حاقدان محرومدور !!

دوخا قوجا اوغلو دلی دومرول بویو

دئییلنه گؤره خانیم! اوغوزلارین آراسیندا دوخا قوجا اوغلو دلی دومرول دئییلن بیر ایگید واریدی. قورو بیر چایین اؤزرینده بیر كؤرپو سالدیرمیشدی. كؤرپودن كئچندن اؤچ آخچا، كئچمك ایسته مه یندن، قیرخ آخچا آلیردی. بونو نیه بئله آلیردی؟ اونا گؤره كی، « مندن جسور، مندن گؤجلو بیر ایگید وارمی كی چیخیب منیمله ساواشسین؟» - دئییردی. « منیم جسورلوغومون پهلوانلیق و ایگیدلیگیمین شؤهرتی روما، شاما گئدیب چاتمیشدیر.» - دئییردی.

بونلار ده ده قورقورد كیتابینین " دوخا قوجا اوغلو دلی دومرول بویو " آدلانان بؤلوموندن ایلك سؤزلر دی.

بو كیتاب تورك دیلینده اولان اسكی كیتابلاردان بیری دی.

حتماً اونی بورادان دانلود ائلییین و اوخییین.

ارك قالاسی - یئنی بیر ایلده اوشاقلار اوخوللارا، مدرسه­لره گئده جك لر. ایلك دؤنه بالاجا آددیملارینی اوخوللارا قویان اوشاقلاریمیزی گودوب، گؤزله­ین­لر وار.

اونلار آتا، آنالاری كیمی اولمامالیدیلار. آتا آنالاری دا اوشلاقلیقدا بابالاری كیمی اولماماغا چاغیریلمیشدیلار. اونلارلا آتا آنا­لارینین اوشاقاقلیق­لاری آراسیندا بیر اؤنملی فرق واردیر: ایندی كی بالاجا اوشاقلار حتی ایللرجه مدرسه­یه گئتمه­میشدن اؤنجه مئدیا واسیطه­سی ایله بیلمه­دیگی بیر پروسه یه قوناقلانیب­لار.

یوللارینا قوزو كسیم، یولون بری دوشمورمو هئچ؟

كؤنول قوشون اوره ییم تك، بیر چیرپینیب اوچورمو هئچ؟

بختیم كیمی اویورسان، دردیم كیمی بؤیویورسن

نه دن بئله سویویورسان، اوردا گونش دوشمورمو هئچ؟

سئوینج غمدن اویاندی، یوز اومود بیر گوماندی

عیدالت دومان آدی خیالیندان كئچیرمی هئچ؟

بابكین اوره یینی غم دلیر

جوانشیرین آهی گؤیه یوكسه لیر

كوراوغلونون مزاریندان سس گلیر

وطن اوغلو یامان گونده تانینار

بیر گون واریدی  بیر گون یوخیدی الله‌دان سونرا هئچ كس یوخیدی

بیر پادشاه واریدی  پادشاهین بویوك باغی واریدی  اوغرولار او باغین میوه‌لرین اوغورلوردیلار بیر نفر نگهبان توتور گئجه‌لر اوغرولارین قاباغین آلسین گئجه یاریسی یوخی توتور  یاتیر سحر گوروللر گئنه میوه‌لردن یوخدیر  ساباحی گون بیر آیری نفر نگهبان قویولار اونودا یوخی توتور  یاتیر گئنه‌ده باغا اوغری گلیر.

اوچونجی گون كئچل پادشاهین حضورونا گلیر دئیر قبله عالم ساغ اولسون ایزین وئرسیز بوگئجه من باغی قورییم، شاه دئییر منیم آداملاریم اوغرولاری توتاممیر سن نجور توتاجاخسان ،كئچل ایسرار ایلیر پادشاه قبول ایله‌دی.

كئچلی گئجه یاری سی یوخی توتور، یوخوسی گلمسین بیر بارماغین یارالییر یئرینه دوز باسیر  آغریسیننان یوخی گلمیر  گئجه قارانلیغیندا گوردی بیر نئچه نفر گلدی سه له لرین دولدوروب  آپاردیلار،  كئچل اولارین دالیسینا دوشور گورور بیر قوییه گیردیلر اودا اورا گیریر قویونون تكینده بیر قاپیه راستلانیر ایچری گیرنده گورور اوردا چوخلی قیزیل-جواهیر وار، قایدیر اولانلاری پادشاها نقل ایلیر ، شاه فرمان وئریر گئدیب قیزیللاری گتیریب آداملاری توتسونلار ، بولونور وزیرین بوایشده الی وار ، خزانه‌دن قیزیللاری اوغورلور او قویونون تكینده ساخلایر ، فرمان وئریر وزیری اولدورسونلر  كئچلی اوزونه وزیر ایلیر  شاه كئچله دییر قیزیللاری خزانیه آپار ، كئچل دییر قوربان بولاری میللت‌دن زوراكی آلیبلار ، میللتی فلاكته سالیبلار، قیزیللاری اولارین آراسیندا پایلا سنه دعا ایله سینلر، شاه فرمان وئریر قیزللاری میللتین آراسیندا پایلاسینلار، ایللر بویی شاه شاهلیق ائلیر ، كئچل وزیرلیق ائلیر ، میللتده عدالت كولگه‌سینده خوش یاشیللار،

گویدن اوچ آلما دوشسون  بیرین سن یئ، بیرین من یئیم، بیرینده ........

نتیجه: اینسانلار اوز ایستكلرین ناغیللاردا گتیرللر

رقیه تقی پور