+0 به یه ن
Dünya 3 gündən bəs edər. Dünən, bu gün və sabah. Dünən getdi,
sabahın necə olacağını bilmirik. Elə isə bu gününüzün qiymətini
bilin.
دونیا 3 گوندور. دونن ، بوگون و صاباح. دونن گئتدی ، صاباحین نئجه اولاجاقینی بیلمیریك ، ائله ایسه بوگونوزون قیمتینی بیلین.
300il qarğa kimi yaşamaqdansa, 30 il yaşa qartal kimi yaşa.
300 ایل قارقا كیمی یاشاماقدانسا ، 30 ایل یاشا ، قارتال كیمی یاشا.
+0 به یه ن
غیب دن یئتدی بیزه مژده كی جانانه گلیر
نازنین زلف پریشانه چكیب شانه گلیر
عزت و شوكت ایله او بت فرزانه گلیر
قیل تماشا گؤزوم او سرو خرامانه گلیر
تؤكمه گه عاشیقی نین قانینی مردانه گلیر
***
اولدی مایل یئنه بیر آفت دورانه كؤنول
آز قالیب شعله چكیب عشق اودونا یانه كؤنول
جان فدا ائیله گیلن او شه مردانه كؤنول
باخیبان سیر ائله او مه تابانه كؤنول
قیل تماشا گؤزوم او مهر درخشانه گلیر
حئیران خانیم
+0 به یه ن
بوگون ایران فوتبال لیگینین ایگیرمی دوردونجو هفته سیندن ، تبریزین تیراختور تیمی تهرانین استیل آذین تیمی ایله اوینادیلار. بو اویونو 40 مین نفر ، یاخیندان گؤردولر. بو اویونون سونوندا تیراختور تیمی ائلیه بولدی اوچ هئچه اؤز رقیبین اودا. قول لاری " مصطفی اكرامی " ، " علی علیزاده " و " محمدحسن ابراهیمی " ووردولار. همی ده بوگون تبریزین شهرداری تیمی قزوین ده پیكان تیمی ایله اوینادی ، آمما تأسفله بو تیم بیر هئچه اودوزدو.
+0 به یه ن
« علی » گلدی « ممد »ین قولاغینا یاواشجا پیچیلدادی. علی، « سینا » استخرینده غرق نجات دیر. یانی هر كیم بوغولسا تئز آتیلاجاقدی سویا اونو چیخارتسین. دئمك اولار عزرائیل ین بازارین كاساد ائله ینلرین بیریسی دیر. ممد ده همن استخرده اولار. اوتورار « پذیرش » ده، اوزمه یه گلنلره یئتیشر. هردن ده میكروفونو آچیب اوزن لره « عزیز اوزن قارداشلاریمیز استخرین تایمی بیر ساعات یاریم دی ها. بعضی لر دئییر بس اوچ ساعات دی، ایر واختیز قورتولوب زحمت اولماسا چیخین » ایكی سئری عینی جومله نی تكرار ائدر. دئمك اولار باش مودور اولمایاندا ممد استخرین باش مودورو دور.
« ایكی – اوچ نفر گلدی دئدی اونا خاطیر گلدیم دئدیم یوخسا منیم نه ایشیم وار، نه موشكولو وار كی، آمما ... » علی نن ممدین آراسینداكی پیچیلدیدان ائشیتدییم سؤزلردی. ممد دئدی « به من نییه گؤرمه دیم ایندی گئدیب مسئوللارینا دئیه رم چاغیرار ائشییه » چوخ ماراقلاندیم بیلم نه دن دانیشیرلار. دایی اوغلوم « حمید » گلدی دئدی ایندی « سونا خشك » دا اووروب با. آ ممد گئت. ممد اوزونده كی گؤزلویو گؤزونه آیارلاییب سونایا ساری گئتدی. سانكی ساواشا گئدن عسگرلر كیمی قیلینجین كمرینه بركیدیردی. دایی اوغلوم حمید ده استخرین ایشله یه نلریندن دیر. ائله اونون سایه سینده منده تئز – تئز اورا گئدیرم.
آتیلا سلمانی
+0 به یه ن
اولو تانری نین آدی ایله
بو یازی منیم بو بلاق دا اولاراق 100-اونجو یازیم ساییلیر . بو 100 یازیدا چالیشمیشام توركی دیلده یازماقینان ، دیلداشلاریمین اؤز دیل لرینده وئبده گزماقلارینا یاردیم اولام . بو بلاقین ایلك یازیسی بو ایلین مرداد آییندا یازیلیب و یوزونجو یازینی دونیا آنا دیلی گونونده یازماقیما گووه نیرم . بو نئچه آی دا چوخلو یولداشلار تاپمیشام ، چوخلو یولداشلار منی بو یولدا آلقیشاییبلار ، یولداشلاریمین چوخون آرتیق تانیمیشام و یولداشلاریمنان چوخلی اؤرگنمیشم . بورادا بو عزیزلردن تشكر ائتمه لییم . منیم یانلیش لاریمی منه بویورانلاردان ، باخیش لاری ایله منی بو یولدا آرتیق گئتماقا ماراغلاندیرانلاردان و باشقا دیلداشلاریمنان دا میننت دارام . بو بلاقی یازماقدا عزیز یولداشیم « سعید حبیب پور» دان دا تشكر ائله مه لیم . بلاق دا لاپ چوخ باخیشلاری ایله منی فایدالاندیران « بیتا » خانیم دا منه بو یولدا چوخلی یاردیم اولوبلار . تانریدان دیله ییرم ائلیه بولم یوردوما و دیلیمه آرتیق تانیش اولام . سیزین ده باخیش لاریزی گؤزله ییرم .
یاشاسین منیم دیلیم
احمد
+0 به یه ن
" بیرینجی سؤزون دئدیگی آنا دیلی و فردی فیكیر ایفاده ائتدیگی ، هر آدامین تاریخی و مدنیتی اوچون اساسدیر ... "
دیللر قارشیلیقلی باشادوشمه نین و دؤزومون ( تولئرانتلیغین ) ان یاخشی نقلیت واسطه لریدیر. بوتون دیللر اوچون حؤرمت ، صلح ایله بیر یئرده یاشامایا ضمانت وئرمك ( تأمین ائتمك ) اوچون ، استثناسیز آپاریجی فاكتوردور ، جمعیت لردن و اونلارین عضولریندن "
صاباح 1999 نویابردا بیرلشمیش میللت لر تشكیلاتی معاریفلندیریجی ( آموزش )، علمی و مدنی تشكیلاتینین (UNESCO) عمومی كونفرانسی ایله ائدیلن بئین الخلق آنا دیلی گونودور.
احمد
+0 به یه ن
بولدوقوز كیمی صاباح دونیادا آنا دیلی آدلانان گون دور . بو گونه گؤره ، بیر شعر بورادا یازیرام ، ان شاء الله سئورسیز .
دیلیم توركدی دیلیمنن باخ گوزل پاك شهرتیم واردی
جهاندان گر ســـــوال ائتسن بودیلده ن غیرتیم واردی
آنام توركون دیلیننن چوك دانیشدی چون ازل منده ن
نهایت ایندی هریــــــاندا بو دیلده ن صحبتیم واردی
منه واجب اولوب یــــاران اولام صحبت اولان دیلنن
دانیشام یارو یولداشلــــا بــو دیلده ن نسبتیم واردی
+0 به یه ن
بوگون ایرانین فوتبال لیگینین ایگیرمی اوچونجی هفته سیندن ، تبریزین تراختور تیمی ، انزلی نین ملوان تیمی ایله بو لیمان دا اوینادیلار . بو اویونو سونوندا ، ایكی – هئچه انزلی چیلر اوتدولار . بو اویوندان بیز زاماندا ، تبریز ده شهرداری تیمی ، قم شهرینین صبا تیمی ایله اوینادیلار . بو اویونودا بیر – هئچه صبا تیمی اوتدی .
بو اویونلاردان سونرا ، دسته بیر رقابت لرینده ده تبریزین ماشین سازی تیمی ، اراكین همیاری تیمی ایله اوینادیلار ، بو اویون دا بیر – بیره قوتولدی . گسترش فولاد دا بوشهر شهرینده ، ایران جوان تیمی ایله هئچ – هئچه اولدولار . بوگون آذربایجان فوتبالینا پیس بیر گون اولدو . بو هفته نین سونودا تراختور 38 امتیاز ایله 4 ده قالدی ، شهرداری 24 امتیاز ایله 13 ده قالدی ، ماشین سازی دا 20 امتیاز ایله 10 دا دی . گسترش ده 26 امتیاز ایله 5 ده دی .