+0 به یه ن
آذربایجان ماهنی سینا چالیشان « رحیم شهریاری » جنابلاری نین یئنی آلبومی یاییلدی.
بو خبری ائشیدندن سونرا بو آلبومی آلیب قولاق آسدیم. بورادا بیر ماهنی بو آلبوم دان سیزین اوچون حاضیرلامیشام. بونی یوكله یین و بو آلبومی آلیب ائشیدین.
فقط اورجینال آلین ها ! 1500 تومان دی !
یازی نین آردین دان یوكله یه بیلرسیز !
+0 به یه ن
14 ایل قاباق، بو گونلر، ایلك دؤنه مدرسه یه گئدیردیم. یادیما گلیر چوخلی هیجان واریم ایدی. اوندا سئویردیم گئدیب، یازیب - اوخوماقی اؤرگه نم. كیمسه ده منه دئمیردی سن اؤرگه نن دیل، آنا دیلین دئییل. من چوخ هوشلی اوشاق اولاراق، فارسی دیلین تئز اؤرگندیم، آمما یئنه كیمسه دئمه دی اوّل آنا دیلینی باشار، سونرا گئت اؤزگه دیل باشینا!
دئمك اولار اورتا مكتبه قدر بو سایاق قاباقا گئتدیم. او زامانلار تازا دوشوندوم كی منیم آنا دیلیم، باشاردیقیم دیلدن اوستون و شیرین دیر. بیلیم یوردونا داخیل اولماقدان، آنا دیلیمی اؤرگنماق امكانی دا منه یاراندی! بالا بالا توركجه اوخویوب یازدیم. چوخ سئوینیردیم آنا دیلیمده درسلریمی اوخویام، آمما ... !
+0 به یه ن
بوگون، زومار آیینین 27 – سی اولاراق، ایران دا « شهریار » گونی آدلانیب. بونا گؤره ده نئچه اولمادیغیمدان سونرا، ایسته دیم بیر گؤزل شعر ایله شهریار جنابلاریندان سیزین قوللوغوزدا وارام. تانری بو بؤیوك كیشیه رحمت ائله سین! آنا دیلینه چوخ چالیشدی!
اولدوز سا‍یاراق گؤزله م‍یشم هر گئجه یار‍ی
گئج گلمه ده دیر یار، یئنه اولموش گئجه یار‍ی
گؤزلر آس‍یل‍ی، یوخ نه قارالت‍ی، نه ده بیر سس
باتم‍یش قولاغ‍یم، گیر نه دوشورمكده دی دار‍ی
بیر قوش «آ‍ی‍یغام» سؤ‍یله یه رك، گاهدان ا‍ی‍یلدر
گاهدان اونو دا یئل دئیه لا‍ی – لا‍ی هوش آپار‍ی
+0 به یه ن
Bir avuç dua, bir Qucaq sevgi, isti bir mesaj, xananız mesafeleri birleştirir gönülleri. kalbiniz nur,Rəməzan Bayramınız mübarek olsun.
بیر اووج دعا، بیر قوجاق سئوگی، ایستی بیر مئساژ، باغلایار مئسافت لری بیرلشدیریر كؤنول لری. قلبیز نور، رمضان بایرامیز موبارك اولسون!
Kardeşliğin doğduğu, sevgilerin birleştiği, bəlkə durğun, bəlkə yorğun, yine de mutlu, yine de umutlu, yine de sevgi dolu bayramlar diləyirəm!
قارداشلیغین دوغدوغو، سئوگی لرین بیرلشدیغی، بلكه دورغون، بلكه یورغون، یئنه ده موتلو، یئنه ده سئوگی دولو بایراملار دیله ییرم! رمضان بایرامیز قوتلو اولسون !
+0 به یه ن
خینا گئجه سی
" توی مراسیمی " یازیلارین آردیندان، بو كره " خینا گئجه سی " –نه یئتیشمیشیق !
اوغلان ائوینین قوهوم قونشو و تانیشلاریندان عبارت كیشی لر و اوغلانلار، گلین گونونه آچیلان گئجه اوغلان ائوینه ییغیشارلار. اوغلان ائوی او گئجه یه قووالچی، تارزن، هردن قارمان چالان چالقیچی دسته سی و بعضی لر عاشیق چاغیرارلار. ایندی لر اكثراً قووالچی یئرینه دونبكچی سوخولوب.
كندلرده ایسه ایندی ده بؤیوك توی چالار و گووه ك گئده رلر. چالقیچی لار چاغیرار و قوناقلاردان بیرینی خواهیش و بیر باشی زورلا آرایا چكیب اوینادارلار. دؤوره ده كیلر هره اؤزگوجونه گؤره اوینایا بیلر بیر مبلغ پول « هئششه باش » وئره رلر. گؤره سن بیری دییر: هئششه باش، وئرمه یه نین باشینا داش. رقص ائدن یورولدوقدا، پول لاری آپاریب چالقیچی لارین قاباغینا تؤكر و مجلیسده كی لرین بیریندن یاپیشیب اورتایا چكر. زور خواهیش له اونو دا، اویناماغا مجبور ائده رلر. بئله لیكله نئچه نفری اوینادارلار. بو گئجه قیز ائویندن اوغلان ائوینه خونچا گلر.
+0 به یه ن
اورمو گؤلونون قوروماغا گونده یاخینلاشماسی، تیراختور تیمینین تاماشاچیلارنی دا فیكره قالدیریب. اونلار ایسته ییرلر صاباح اولان اویون دا سؤزلرین بوتون دونیایا دئسینلر.
اومورام سیزده اونلارینان بیرله شه سیز !
+0 به یه ن
قیزی سئومیشدی! اونون هر زادیندان خوشی گلیردی ، قیافه سیندن، باخیشیندان، رفتاریندان، فیكریندن ...
اولار بیر كیلاسدا اولوردولار. بیر ترم اوندا گؤز قویموشدی، قیز ائله بو ایستین ایدی. هئچ كیمه ده سؤزون دئیه بیلمیردی. قیزین اؤزونه ده بیر شئی دئمه میشدی. قورخوردو ! « گئدیم قیزا نه دئییم؟! دئییم سنی ایستیرم؟ دئمز نیین وار؟ دئمز نه ایش گؤررسن؟ دئییم ساده جه بیر اؤیرنجییه م؟ دئییم ایستیرم ائلچی گلم سنه؟ آتاسی سوروشماز دونیادان نه واریندی؟ بونلارین جوابیندا نه دئییم؟» اؤز اؤزونه بولارا فیكیرله شیردی. او هله درسین قورتارمامیشدی، هله ایش تاپاممامیشدی ! نئیله مه لی ایدی؟ نه جور سؤزون دئمه لی ایدی؟
ترم قوتولموشدی. بوگون سون كیلاس ایدی. گؤره سن گلن ترم ده او قیزینان بیر كیلاسدا اولاجاق می؟ گؤره سن سؤزون اونا دئیه بیله جك می؟ نئینه سین؟
تبریزلی احمد
+0 به یه ن
دونن ایران فوتبال لیگاسیندان تبریزین تیراختور و شهرداری تیملری اوینادیلار . تیراختور تیمی تبریزده، بوشهرین شاهین تیمی ایله و شهرداری دا تهراندا پیروزی تیمی ایله اوینادیلار. بو هفته تبریز تیملرینین ایكیسی ده قارشیلارین اوددولار.
تیراختور تیمی « محمد حسن ابراهیمی » ووران قولونان و شهرداری تیمی « میثم بائو » و « ووریا غفوری » ووران قوللارینان اوددی . تیراختور بو اویوندان سونرا هله لیك ده جدول ده بیر دی و شهرداری دا 3 دی . بو تیملر 5 شنبه گونو زومار آیینین 3-نده بیر بیری ایله تبریزده اوینایاجاقلار . بو اویون گئجه ساهات 10 دا اولاجاق !
یاشاسین بوتون آذربایجان تیملری
آذربایجان تیملری ، فرق ائله مز رنگلری !