آتالار سؤزونون كؤكو - 1

+0 به يه ن

آتا- بابا سؤزلرينين كؤكو منيم چوخ سئوديگيم مسئله لردن بيري دير. اونا گؤره ده چاليشارام بو سؤزلرين كؤكون اؤرگه نيب و اونلاري گونده ليك حياتيمدا ايشله دم. بورادا دا نئچه آتا بابا سؤزونون كؤكون سيزلري اوچون "بهروز ايماني" جنابلارينين "آتالار سؤزونون كؤكو و منشأيي" كيتابيندان يازميشام. اومارام سئورسيز.

بونا دا شوكور

(سودا بوغولان سامان چؤپوندن ياپيشار)

بيرگون بيريسي چايدان كئچنده، سئل اونو ووروي آپارير، چايين درنليينه، كيشي باتير سويا، سونرا اليني آتير بير قورو چؤپدن ياپيشير و آغاج قارشيق باتير سويا. كيشي هر سويا باتيب، چيخاندا دئيير: «بونا دا شوكور»، «بونا دا شوكور». بير آيري آدام چايين قيراغيندا ياخينلاشيب، گوله گوله اوندان خبر آلير: آي قارداش سنكي، باتيسان سويا، بوغولورسان بو نه شوكور نامه دير كي، سن اوخويورسان. بو سؤزدن سونرا، كيشي گؤرور، بوغولاجاق، اؤگه دن اونا هاي چيخماياجاقدير، اونا گؤره اؤزونه داياق وئريب، چيخير قيراغا و او مسخره ائله ين كيشي يه دئيير: بونا دئييرديم ها «شوكور».

ايندي گؤردون، بيرده آتالار دئييب، سودا بوغولان سامان چؤپوندن ده ياپيشار.



آرديني اوخو

آچار سؤزلر : آتا,

گئتمك ايسته يير سن ...

+0 به يه ن

گئتمه­ك ايسته­ييرسن،

بهانه­سيز گئت،

اوياتما مورگولو خاطيره­لري.

سسين همن سسدير،

باخيشين اؤگئي،

گئديرسن،

سسين ده ياد اولسون باري ...




آرديني اوخو

قيزين گؤز ياشلاري

+0 به يه ن
شهه­رين بؤيوك پاركيندا گزيردي. قوجا دئييلدير، آنجاق قوجاليق سينيرلاريندا ايدي. كيشي يورغونلوغون آلسين دئيه، بير ياشيل بويالي آغاج تختين اوستونده اوتورور، اينده كي قزئتي تختين اوستونه قويور، بالاجا بير كيفين گؤن حلقه­سين قولوندان چيخارديب قزئتين اوستونه قويدو. پاركين بو بؤلومونده گل-گئت لاپ آز ايدي. خييابانين ساغ طرفيندن بير گنج اوغلان و بير گنج قيز گليرديلر. اوغلان ساده گئييم­لي، بوي- بوخونلو و ياراشيقلي، قيز ايسه عادي گئييم­لي. آزجا اتلي اولاراق، بيله­سينه گؤزل دئمك اولمازدير. نه اؤيمه­لي ايدي، نه دؤيمه­لي.


آرديني اوخو

يادلاشديق - آيتام

+0 به يه ن

آذربايجانين اوغورلو اوخوياني "آيتام" جنابلاريندان بير ماهني
چوخ چوخ گؤزل و دويغولو بير ماهني سيزلر اوچون حاضيرلامشيام.
ساغ اولسون آيتام عباسي مهر




يوكله



26-آذر

+0 به يه ن

آذر آيي­نين 26-سيندا، ايلده­كينه تاي سيزلره بير كيتاب وئرمك ايسته­ييرم. آما بو ايل نئچه  كيتاب حاضيرلاميشام. اونلاردان بيري پروفسور زهتابي جنابلارينين "تاريخ ديرين تركان ايران" كيتابي­دي. بو كيتابين توركجه ديلينده اولان فايلين تاپانمادان، اونون فارسجا كيتابين سيزلره تقديم ائديرم (اوره­گيم ايسته­مه­دن).

بولدوغوز قدر "دده قورقود" كيتابي، تورك ديلينده اولان اسكي كيتابلاردان بيري ساييلير. بورادا "دده قورقود" كيتابيندان "دوخا قوجا اوغلو، دلي دؤمرول بويو" آدلانان بير بؤلوم سيزلره تقديم ائديرم. اومورام بو كيتابين بوتون بؤلوم­لرين اوخوماق اوچون، اوني آليب و اوخوياسيز. "نشر اختر" بو كيتابي چوخ گؤزل يازي دا "ف. زينال اوو و ص.عليزاده" جنابلاريندان باسيب. يازيمين سونوندا دا آذربايجان توركلرينين اسكي دبينه گؤره سيزلره بو كيتاب­ايله بير قرنفيل گولي ده وئريرم.

ياشاسين منيم ديليم

تاريخ ديرين تركان ايران

دوخا قوجا اوغلو، دلي دؤمرول بويو




آراليق درمانلاري

+0 به يه ن

"درمان بيتگي لري" فولكلور وارليغيميزدان بيري ساييلير. اسكي زامانلاردان اؤرگشديغيميز آراليق درمانلاري هله ده ايشله نه بيلير. بيزيم آتالاريميز بونلاري ايشلديب و ساغ ياشارديلار.

آراليق درمانلاريندان نئچه سي:

قيزيلجا: قيزيلجا چيخاردانا شيرين (ايستي ليك) يئديردرديلر، جاني سپسين، مرضي ائشيگه تؤكسون. قيرميزي گئيينديررديلر. قيزيلجا چيخاردان اوشاغا گرك بويونوندا قولو (غسل) اولان آدام باخماياردي.

 



آرديني اوخو

ايلهاميم، حسين منزوي

+0 به يه ن

بير گؤزل شعر "حسين منزوي" جنابلاريندان

آي بوتون حوسنوده ليلايه چكن ايلهاميم

مني مجنون كيمي صحرايه چكن ايلهاميم

آي منيم گؤزلريم ذاتينا معنا يارادان

روحومو شور تماشايه چكن ايلهاميم

آي قيزاران اؤپوشوندن، گولوشوندن دوداقين

باخيشيندان گؤزونه سايه چكن ايلهاميم



آرديني اوخو

تئللو

+0 به يه ن

آراز اوسته، بوز اوسته تئللو، كباب يانار كؤز اوسته تئللو

قوي مني اؤلدورسونلر، بير آلا گؤز يار اوسته تئللو

آذربايجانيميزين گئنج اوخويانلاردان بيري "حسين ملكي زاده" جنابلاري ديلار. بو يازيدا سيزلر اوچون بير گؤزل ماهني "ملكي زاده" جنابلاريندان حاضيرلاميشام "تئللو" آديندا. بو ماهني آذربايجانين اسكي ماهنيلاريندان ساييلير و چوخ گؤزل شعري وار. حتماً يوكله ييب قولاق آسين!



تئللو





radyo dinle