غم چكمه عموغلی هله بو ملت آییلماز

آج لوت قالا داییم، چكه مین ذلت آییلماز!

مشروطه اوچون تؤكدوله بو شهرده قانلار

قانون اساسی دئیه جان وئردی جوانلار

آخیرده یئنه حوكمران اولدو بیزه خان لار

كئچدی باشینا توربا داهی امت آییلماز

غم چكمه عموغلی هله بو ملت آییلماز

۱۳۹۰اینجی ایلین فروردین آیینین ۱۳ (چؤل گونو) حاققیندا اولان تبریزین آرمانچی اؤیرنجی لرینین آچیقلاما سی؛

گؤز یومما گونشدن، نه قدر نوری سارالسا

سؤنمز ابدی، هر گئجه نین گوندوزو واردیر

ظولمون توپی وار، گوللسی وار، قلعه سی واردیر

حاققیندا بوكولمز بئلی، دؤنمز اوزو واردیر

هاوا قورغوشون كیمی آغیرلیق ائدیر و بو آغیر قورغوشون اؤزگورلوك و آزادلیق باغیرتیسین بوغور.

یئنی ایلی بیر حالدا باشلامیشیق كی هئچ بیر یئنی ایستك لری فاشیست حاكیمییتین قارشیسیندا ایسته مه میشیك. بو آچیقلاما بیر سیاسی آچیقلاما دئییل. بیر وطنین دوشونجه لی اینسانلاریندان، اؤز وطنینه عاشیق اولان بیر یا نئچه اینسانین ایسته ییدیر كی بیرینجی وطن لرین آذربایجان بیلیرلر و ایكینجی وطن لرین ده آذربایجان و ها بئله آخیرا كیمی آذربایجان بیلیرلر.

آردین دا اوخویون !

نئچه ایل اؤنجه ، بیر سیرا آذربایجان ماهنی سی الیمه چاتدی . اونلارین ایچینده چوخلی سئومه لی ماهنی اولاراق ، اولارا چوخلی قولاق آسمیشام . بو یازی دا اونلارین بیرین سیزین اوچون دانلودا قویورام . بو ماهنی نین آدی صیاد دی ، آمما هئچ بولمورم اوخویانلاری كیملردیلر . بیر كیشی و بیر قادین بو ماهنی نی اوخویورلار . چوخ گؤزل ده شعری وار . بوجور باشلانیر :

كیشی دئییر : كولك اولسام ساچلارینی داراماغا قویارسانمی ؟

هارایلاسام بولبول كیمی سن چینیمه قونارسانمی ؟

قادین دئییر : هر كولك ده هنر اولماز بو ساچلاری داراماغا !

من او بولبول دییرم ، گلیب قونام هر بوداغا !

دانلود

تبریزین شهرداری موزه سینده قورولان بایرام یومورتالارینین سرگی سی ، بو گونلر بو شهرده لاپ چوخ گؤرولن سرگی لردن بیری ساییلیر . شهرداری ساختمانیندا اولان بو سرگی ، تبریز شهرینین اؤنملی هنرمندلرینین ایشلریندن توپلانیب و گؤرنلر بو یومورتالارا اؤنر وئریرلر . تبریزه گلسز حتما بو سرگیه باش وورون . چوخ گؤزل ایشلر وار . بو سرگی نین گؤزل ایشلریندن بیری بو شكیل دی .

بایرام زامانیندا چوخلی قوناق بیزیم شهره گلر . تبریزین موزه سی ، بو شهرین گؤرمه لی یئرلریندن بیری ساییلیر . بو یازی دا نئچه شكیل بو گؤزل و دیرلی موزه دن سیزین اوچون حاضیرلامیشام . دئمه لییم بو عكس لری اؤزوم سالمیشام .

گلسز تبریزه ، قوللوقوزدا واریق !